काठमाडौं – शिक्षा तथा युवा सशक्तीकरणमा समर्पित रोसेटा एजुकेशन इन्टरनेशनलले यस वर्षको बहुप्रतीक्षित फुटसल प्रतियोगिता गोलफेस्ट २०२५ को प्रमुख प्रायोजकको रूपमा सहकार्य गरेको छ।
प्रतियोगितामा केटा समूह तर्फ पाटन मल्टीपल कलेजले उत्कृष्ट प्रदर्शन गर्दै १२०,००० रुपैयाँ नगद पुरस्कार जित्न सफल भयो। केटी समूह तर्फ ट्रिनिटी इन्टरनेशनल कलेजले ५०,००० रुपैयाँ नगद पुरस्कार जित्यो। साथै, प्रतियोगिताका विजेता खेलाडीहरूले ७०,००० रुपैयाँ बराबरका गिफ्ट भौचर तथा अन्य सामग्री पुरस्कार प्राप्त गरेका छन्।
रोसेटा एजुकेशन इन्टरनेशनलकी मिडिया म्यानेजर जमुना रञ्जितकारले खेलकुदले युवाहरूको व्यक्तित्व विकासमा महत्त्वपूर्ण भूमिका खेल्ने उल्लेख गर्दै बिजयी खेलाडीहरूलाई शुभकामना व्यक्त गरिन्। उनले खेलकुदले आत्मअनुशासन, टीमवर्क, र नेतृत्व क्षमताको विकास गर्ने भएकाले यस्ता प्रतियोगिताहरूलाई निरन्तरता दिनुपर्नेमा जोड दिइन्।
विजयी खेलाडीहरूले आयोजक संस्थालाई धन्यवाद ज्ञापन गर्दै भविष्यमा पनि यस्ता अवसर उपलब्ध गराउन अनुरोध गरेका छन्।
