प्रतापपुर/ ९ फागुन
लुम्वनी प्रदेशको सामाजीक बिकास मन्त्रालयले नवलपरासीमा सामुदायिक विद्यालयको गुणस्तर सुधारका निम्ति “मेरो विद्यालय, मेरो दायित्व”’ बिशेष शैक्षिक अभियान सुरु गरेको छ ।
सामाजिक विकास मन्त्रालयको अगुवाइमा प्रदेशका १२ वटै जिल्लाका विभिन्न १७ वटा सामुदायीक विद्यालयमा पहिलो चरणको अभियान एकैसाथ सुरु गरेको हो ।
अभियानका लागि प्रदेश सरकारका मुख्यमन्त्री, मन्त्री, दुई पूर्वमुख्यमन्त्री, प्रदेश प्रमुख सचिव र प्रदेशसभाका जनप्रतिनिधि लगायतले आफूले अध्ययन आरम्भ गरेको सम्बंधित विद्यालयमा पुगेर अभियानको सुरुवात गरेका छन् ।
नवलपरासीमा पनि मेरो विद्यालय, मेरो दायित्व’ बिशेष शैक्षिक अभियानको गुठीप्रसौनी स्थित जनजागृती माध्यमिक बिद्यालयमा आयोजीत लुम्वनी प्रदेशका वन तथा वातावरण मन्त्री देवकरण प्रसाद कलवार-सन्तुले उद्घाटन गर्नुभयो ।
उद्घाटन समारोहमा मन्त्री कलवारले प्रदेश सरकारले अघि बढाएको सामुदायिक विद्यालयको गुणस्तर सुधार गर्न ‘मेरो विद्यालय, मेरो दायित्व’ बिशेष शैक्षिक अभियान सफल बनाउन जनसमुदायको भुमीका महत्वपुर्ण रहने बिचार ब्यक्त गर्नुभयो ।
कार्यक्रममा बोल्दै बिशेष अतिथी प्रतापपुर गाउंपालीकाका अध्यक्ष उमेश चन्द्र यादवले प्रदेश सरकारले शैक्षिक सुधारका लागी ल्याएको उक्त अभियान किताबमा भन्दा कार्यान्वयन प्रभावकारी हुनुपर्नेमा जोड दिनुभयो ।
लुम्बिनी प्रदेश सरकारको सामाजीक बिकास मन्त्रालयले लुम्बिनी प्रदेशका १२ वटै जिल्लाका १७ वटा सामुदायीक विद्यालयमा पहिलो चरणको अभियान एकैसाथ सुरु गरेको मन्त्री सचिवालयले जनाएको छ ।
