कुमुदिनीमा कक्षा ८ र १० लक्षित सामाजिक बिषयमा उत्तर लेखन शिप बिकास तालिम सञ्चालन

सरोज धीताल/बर्दघाट
पश्चिम नवलपरासीको बर्दघाटमा रहेको कुमुदिनी आवाशिय माध्यमिक विद्यालयले कक्षा ८ र १० विद्यार्थीकालागि सामाजिक बिषयमा उत्तर लेखन तालिम सञ्चालन गरेको छ । संस्थाका अध्यक्ष कमला शर्माको अध्यक्षतामा कार्यक्रम सम्पन्न गरिएको छ । कार्यक्रममा स्वागत मन्तव्य राख्दै सह प्रधानाध्यापक लेखनाथ शर्माले परिष्कृत समय अनुसार विद्यार्थीहरुको लेखन शैलिमा थप मौलिक बनाउदै परिक्षामा हुनसक्ने त्रृटि न्यूनिकरण गर्न कार्यक्रमको आयोजना गरिएको बताऊनुभयो ।
कार्यक्रममा विद्यार्थीहरुले यस किसिमको लेखनशैलीमा सुधार आऊने तथा परिक्षामा उत्कृष्ठ नतिजा ल्याऊन आफूहरु सफलहुने विचार व्यक्त गर्नुभएको थियो । कार्यक्रमलाई सम्बोधन गर्दै प्रधानाध्यापक रेश्मिराज बस्यालले समय सापेक्ष गरिने यस किसिमको कार्यक्रमले विद्यार्थीहरूलाई हौसला प्रदान गर्दै छोटो समयमा उत्कृष्ठ नतिजा प्राप्त गर्न यस तालिम उपयोगि हुने बताऊनुभयो । प्रधानाध्यापक बस्यालले विद्यार्थीहरुले छोटो उत्तर लेख्नुपर्नेमा लामो तथा लामो उत्तर लेख्नुपर्नेमा बिषयबस्तुको गहनता नबुझि छोटो उत्तर लेख्दा बिगतका बर्षहरुमा धेरै बिद्यार्थीहरुलाई समाजिक बिषय टाऊको दुखाईको बिषय बनेको बताउदैै कुमुदिनीले आफ्ना अभिभावक तथा बिद्यार्थीको मनोभावना बुझेर यस किसिमको तालिमको आयोजना गरिएको बताऊनुभयो । प्रधानाध्यापक बस्यालले यस तालिमले बिद्यार्थीहरुलाई प्रेरणा, उत्साह र सकारात्मक सोच दिने गर्दछ भन्दै नकारात्मक सोचबाट बाहिर निकालेर सकारात्मक दृष्टिकोण बनाउन यस तालिम फलदायी हुने बताऊनुभयो ।
त्यस्तै कार्यक्रमलाई सम्बोधन गर्दै अध्यक्ष शर्माले सकारात्मक शोचकासाथ लक्ष्य निधारण गरेर अघि बढेमा हरेक विद्यार्थी सफलहुने बताऊदै समय सापेक्ष यस किसिमको विद्यार्थी तथा अभिभावक लक्षित बिभिन्न तालिम तथा कार्यक्रम विद्यालयले सञ्चालन गर्ने र विद्यार्थी तथा अभिभावकहरुले पनि शिकेका कुरा व्यवहारमा लागू गरिदिन आग्रह गर्नुभयो । कार्यक्रमको सहजीकरण शिक्षक केदार चौधरीले गर्नुभएको थियो भने तालिमको सहजिकरण प्रशिक्षक नारायण खतिवडाले गर्नुभएको थियो । प्रशिक्षक खतिवडाले छोटो समयमा उत्कृष्ठ उत्तरदिन सके विद्यार्थीले परिक्षामा आफ्ना कमि कमजोरी पत्ता लगाएर पुनःआफ्नो उत्तरलाई परिष्कृत गर्न सक्नेहुदाँ परिक्षामा पर्ण सफलता मिल्ने बताऊनुभयो ।