काठमाडौँ। बेलायतको प्रतिष्ठित विश्वविद्यालय University of the West of England Bristol (UWE Bristol) ले काठमाडौँमा “Slice of Bristol” शीर्षकमा विशेष अन्तरक्रिया तथा नेटवर्किङ कार्यक्रम आयोजना गरेको छ। कार्यक्रममा शिक्षा परामर्शदाताहरू, शैक्षिक साझेदारहरू तथा अन्तर्राष्ट्रिय शिक्षा क्षेत्रसँग सम्बन्धित प्रतिनिधिहरूको उल्लेखनीय उपस्थिति रहेको थियो।

कार्यक्रममा बेलायतबाट आएका Head of Recruitment श्री Kevin Dunn तथा Senior Manager – Recruitment & Partnership (India, Nepal & Sri Lanka) Devesh Chandela सहभागी भएका थिए। उनीहरूले नेपालको शैक्षिक साझेदारीलाई अझ सुदृढ बनाउने उद्देश्यसहित विश्वविद्यालयका नयाँ रणनीति, अन्तर्राष्ट्रिय विद्यार्थी अवसरहरू तथा भविष्यका योजनाबारे जानकारी साझा गरेका थिए।

नेपाल तथा भुटानका लागि विश्वविद्यालयकी Country Manager, Isha Bhumi Shrestha ले कार्यक्रमको समन्वय गर्दै नेपालबाट बेलायत अध्ययनका लागि जाने विद्यार्थीहरूका लागि UWE Bristol ले प्रदान गर्ने अवसरहरू, नयाँ कार्यक्रमहरू तथा विद्यार्थी सहयोग प्रणालीबारे विस्तृत प्रस्तुति दिएकी थिइन्।

कार्यक्रम विशेष गरी high-tech र AI-driven प्रस्तुति शैलीमा सञ्चालन गरिएको थियो, जसले सहभागीहरूलाई अझ interactive, informative र समसामयिक अनुभव प्रदान गरेको थियो। डिजिटल प्रस्तुति, डेटा आधारित जानकारी तथा प्रत्यक्ष अन्तरक्रियाले कार्यक्रमलाई थप प्रभावकारी बनाएको आयोजक पक्षले जनाएको छ।

कार्यक्रमको अन्त्यतिर UWE Bristol टोलीले कार्यक्रममा सहभागी भएका नेपालका विभिन्न शैक्षिक कन्सल्टेन्सी प्रतिनिधिहरूलाई सम्मानपत्र प्रदान गर्दै उनीहरूको योगदानप्रति कृतज्ञता व्यक्त गरेको थियो।

औपचारिक सत्रपछि networking session समेत आयोजना गरिएको थियो, जहाँ शिक्षा क्षेत्रका प्रतिनिधिहरूबीच विचार आदान–प्रदान, साझेदारी विस्तार तथा भविष्यका सहकार्यबारे छलफल भएको थियो। सोही अवसरमा “Slice of Bristol” कार्यक्रमको औपचारिक सुरुवात (launch) पनि गरिएको आयोजकले जानकारी दिएको छ।

यस कार्यक्रममार्फत UWE Bristol ले नेपालसँगको शैक्षिक सहकार्यलाई अझ बलियो बनाउँदै नेपाली विद्यार्थीहरूलाई बेलायतमा उच्च शिक्षा हासिल गर्ने थप अवसरहरू विस्तार गर्ने विश्वास व्यक्त गरेको छ।