सेकेन्ड बब एण्ड जाङ-जेभियर एकेडेमी कन्जरमेसन अवार्ड २०२४ सफलता पुर्वक सम्पन्न भएको छ ।

जेभियर एकेडेमीमा आयोजना गरेको उक्त कार्यक्रममा वातावरणीय क्षेत्रमा महत्वपूर्ण योगदान दिएका व्यक्तिहरू र समूहहरूलाई सम्मान गरिएको छ । कार्यक्रममा सांगेतीक प्रस्तुति पुरस्कार वितरण लगाएत अन्य विभिन्न कार्यक्रमहरु समावेश गरिएको थियो ।
कार्यक्रमको मुख्य आकर्षण तीन ठूला पुरस्कारहरूको घोषणा गरिएको थियोः बब एण्ड जाङ÷जेभियर एकेडेमी पुरस्कार २०२४, बब एण्ड जाङ महिला छात्रवृत्ति (२०१७–२०२५) र बब एण्ड जाङ सामुदायिक परियोजना पुरस्कार । पुरस्कार राशी नगद एक लाख र प्रमाणपत्र समावेश गरिएको थियो ।
कार्यक्रममा विशिष्ट वातावरणविद् र शिक्षाविद्हरूको उपस्थिति थियो, जसमध्ये प्रा. डा. प्रमोद श्रेष्ठ र प्रा. डा. श्रीराम भगुत माथे, जेभियर एकेडेमीका संस्थापक अध्यक्ष, जस्ता प्रमुख व्यक्तित्वहरूले संरक्षणको महत्त्वबारे आफ्नो विचार प्रस्तुत गर्नु भएको थियो ।

कार्यक्रमको अर्को प्रमुख आकर्षण रुपमा विशिष्ट व्याख्यान श्रृङ्खला, जसमा अरुप राजौरिया, केन्द्रिय संरक्षण समुदाय तथा वातावरण कल्याण केन्द्रका संस्थापक तथा अध्यक्षले आफ्नो विचार प्रस्तुत गर्नु भएको थियो ।
त्यस्तै राजौरियाले समुदाय स्तरमा संरक्षण अभियानको आवश्यकता र जैविक विविधताको संरक्षणमा सामुदायिक सहभागिताको महत्वबारे विशेष जोड दिनु भएको थियो ।
कार्यक्रममा अर्जुन पौडेल र उत्सव नेपालजस्ता दृष्टिविहीन कलाकारहरूले सङ्गीत प्रस्तुति प्रस्तुत गर्नु भएको थियो ।

कार्यक्रमको मुख्य वक्ता, मिस्टर बब डोबियसले आफनो मन्तव्य प्रस्तुत गर्नु भएको थियो ।

कार्यक्रमको अन्त्यमा जेभियर एकेडेमीका प्रधानाध्यापक श्रीमती रश्मी शर्मा मैनालीले गरिमामय उपस्थितीको लागी सम्पुर्णमा धन्यवाद ज्ञापन गर्दै कार्यक्रमलाई समापन गर्नु भएको अयोजकले बताएको छ ।