रामग्राम माघ ४
परासी । नेपाल रेडक्रस सोसाईटी, अमरवन उपशाखाद्धारा समुदायलाई चिसोबाट वच्न कम्वल वितरण गरिएको छ ।
रामग्राम वडा नं. १४ का २० जना विपन्न असाहाय तथा जेष्ठ नागरिकलाई १ – १ थान कम्वल वितरण गरिएको हाे ।
शहेब आलमको अध्यक्षता र नेपाल रेडक्रस सोसाईटी नवलपरासीका जिल्ला सदस्य अर्जुन क्षेत्रीको प्रमुख आतीथ्यतामा संचालन भएको कम्मल वितरण समारोहमा विशिष्ट अतिथीको रुपमा वडाध्यक्ष ओम प्रकास यादवको उपस्थीति रहेको थियो ।
कार्यक्रमको औपचारीक संचालन गीता खवासको रहेको थियो भने औपचारीक स्वागत हैदर अलीले गरेका थिए ।
कार्यक्रममा रेडक्रस उपशाखाका पूर्व अध्यक्ष ठागे यादव, पत्रकार भीमदेव भट्राई, वडाध्यक्ष ओम प्रकास यादव, प्रमुख अतिथि अर्जुन क्षेत्रीले शुभकामना मन्तव्य राखेका थिए ।
नेपाल रेडक्रसले समाजमा आपद विपदमा आकस्मीक मानवीय सहायताका यस्ता कार्यहरु गर्दे आईरहेको छ । नवलपरासीमा गत सातादेखी वाक्लाे हुस्सु र सितलहरका कारण विपन्न असाहाय तथा जेषठ नागरिक न्यानाे कम्मलकाे अभावमा दैनिक जिवन गुजारा गर्दै आइरहेका थिए।
