सुनवल / माघ २८
सुनवल नगरपालिका ईन्जिनीयर सन्तोष गैह्रेले खतरा न्युज नामक सामाजिक सन्जाल पेज मार्फत ठेकेदारद्धारा आफूमाथि लगाईएको आरोपको प्रेस विज्ञप्ती मार्फत खण्डन गरेका छन ।
लिभि निर्माण सेवाका प्रोपराईटरले आफुमाथि ५० हजार घुस दिदा समेत आफ्नो काम नभएको भन्दै दिएको भ्रामक भिडियोमा आफ्नो फोटो समेत समावेस गरि खतरा न्युज नामक फेसवुक पेज मार्फत पोष्ट गरि चरित्र हत्या गर्न खोजिएको भन्दै खण्डन गरेका हुन ।
इन्जिनीयर गैह्रेद्धारा जारी गरिएको प्रेस विज्ञप्ती अनुसार आरोपी लिभि निर्माण सेवाले आर्थिक वर्ष ०७८/७९मा सुनवल ५ स्थीत मिलनटोल देखि हर्दिया २ बाटो मर्मत गर्ने कार्यको सम्झौता गरि काम सम्पन्न गरी नियमानुसार भुक्तानी समेत गरिएकोमा नियमानुसारको डिएपी समयसिमा भित्र निजले सम्पन्न काम विग्रि भत्किएकोले नियमानुसार वाटो विग्रीएको भागहरु मर्मत गर्न पटक पटक पत्राचार गर्दा हाल ३ वर्ष पुग्दा समेत मर्मत गरिएको वारे कुनै प्रतीकृया समेत नदिई निजले सम्झौता वमोजिम व्यावसायिक जिम्मेवारी पुरा नगरेको व्यहोरा उल्लेख गरेका छन ।
यस योजना कार्यान्वयन प्रकृयामा नियमानुसार निजले राखेको धरौटी रकम निकासाका निम्ती सम्झौता वमोजिमका सर्त पुरा गरी कार्यालयमा उपस्थित नभई म माथि झुठा कपोकल्पीत आरोप वयान गरी अनगर्ल आरोप र मिडायावाजी गरि आफ्नो तथा कार्यालयको गरिमामा आच पुरयाउने कार्य आरोपी ठेकेदार र मिडीयाले गरेको भन्दै दुख व्यक्त गरेका छन ।
समाचारका नाउमा भ्रामक र तथ्यविहिन कपोकल्पीत र पूर्वाग्राही आरोप सम्प्रेषण गरिएकोले पेजका संचालक र आरोपी ठेकेदारलाई कानुन वमोजिम आवश्यक कारवाही को माग गर्दछु, विज्ञप्तीको अन्त्यमा भनिएको छ ।
साथै यस विषय सम्वन्धी कार्यवाहीका सम्पुर्ण कागजातहरु कार्यालयमा सुरक्षित रहेको र जुनसुकै वेला उक्त विषयको सत्य तथ्य विवरण उपलव्ध गराउन सकिने ईन्जिनीयर गैह्रेद्धारा हस्ताक्षरित प्रेस विज्ञप्तीमा उल्लेख छ ।
सुनवल नगरपालिका कार्यालयले यस विषयको नियमानुसार आवश्यक कारवाहीका लागि प्रमुख जिल्ला अधिकारी समक्ष लेखि पठाएको नगरपालिकाले जनाएको छ ।
