काठमाडौँ, ब्राडफोर्ड एजुकेशन कन्सल्टेन्सीले आफ्नो नयाँ बानेश्वरस्थित कार्यालयमा मल्टि-डेस्टिनेसन फेस्ट २०२५ भव्य रूपमा सम्पन्न गरेको छ। यस शैक्षिक मेलामा अष्ट्रेलिया, अमेरिका, बेलायत, क्यानडा, न्यूजिल्याण्ड र यूएई लगायतका प्रमुख गन्तव्य राष्ट्रहरूबाट प्रतिनिधित्व गर्ने विश्वविद्यालय तथा कलेजका प्रतिनिधिहरूको उपस्थिति रहेको थियो।
बिहान ११ बजेदेखि अपराह्न ३ बजेसम्म सञ्चालन भएको उक्त कार्यक्रममा अन्तर्राष्ट्रिय शैक्षिक अवसर खोजिरहेका धेरै नेपाली विद्यार्थीहरूको उत्साहजनक सहभागिता देखिएको थियो। सहभागीहरूले एक–एक गरी विश्वविद्यालय प्रतिनिधिहरूसँग प्रत्यक्ष परामर्श, छात्रवृत्तिको जानकारी, IELTS/PTE तयारी, आवेदन प्रक्रिया र भर्ना सम्बन्धी सेवा प्राप्त गरेका थिए।
विद्यार्थीहरूका लागि विश्वविद्यालय प्रतिनिधिहरूसँग प्रत्यक्ष संवाद गर्ने यो अवसरले उनीहरूलाई आफ्नो शैक्षिक तथा व्यावसायिक निर्णयहरू सजिलै लिन सहयोग पुगेको थियो।
ब्राडफोर्ड एजुकेशन कन्सल्टेन्सीका निर्देशक रविन्द्र घिमिरेले कार्यक्रममा सहभागी सम्पूर्ण विश्वविद्यालय, कलेज प्रतिनिधि, विद्यार्थी, अभिभावक तथा टिम सदस्यहरूप्रति आभार प्रकट गर्दै भने, “नेपाली विद्यार्थीहरूलाई भरपर्दो र गुणस्तरीय अन्तर्राष्ट्रिय शिक्षा गन्तव्यसँग जोड्ने हाम्रो अभियानमा यो कार्यक्रम अर्को माइलस्टोन बनेको छ। सफलताका लागि साथ दिनुहुने सबैलाई धन्यवाद दिन चाहन्छु।”
कार्यक्रममा Apply Global को विशेष सहयोग पनि उल्लेखनीय रह्यो, जसले प्रतिष्ठित विश्वविद्यालयहरूलाई विद्यार्थीहरूसँग जोड्ने काममा महत्वपूर्ण भूमिका खेलेको छ। Apply Global को निरन्तर सहकार्यले नेपाली विद्यार्थीहरूका लागि गुणस्तरीय अन्तर्राष्ट्रिय शिक्षामा पहुँच अझ सहज बनाएको छ।
ब्राडफोर्ड ग्लोबलले अझै पनि बहु-देशीय अध्ययन गन्तव्यहरूमा जान चाहने विद्यार्थीहरूका लागि भरपर्दो र विद्यार्थीमुखी परामर्श संस्था बन्ने लक्ष्यका साथ आफ्नो सेवा विस्तार गरिरहेको छ।
