रुपन्देहीको भैरहवामा रहेको निर्वाणा लक्जरी इन्टरनेसनल परिसरमा सोमबार मध्यरातमा गोली चल्दा एक जना घाईते भएका छन ।
घाईते हुनेमा होटलका सुरक्षा गार्ड बुटवल उपमहानगरपालिका–१५ निवासि २७ वर्षीय मीनबहादुर परियार हुन । उनको तिघ्रामा गोली लागेको जिल्ला प्रहरी कार्यालयका प्रवक्ता डीएसपी सुरज कार्कीले बताए । प्रहरीका अनुसार घाइते परियारलाई राति उपचारका लागि भैरहवास्थित भीम अस्पतालमा लगिएको थियो भने अहिले उपचारपछि डिस्चार्ज भएका छन् ।
राति दुई समूहबिच झगडा हुँदा गोली चलेको उनले जानकारी दिए । घटना लगत्तै प्रहरी पुगे पनि गोलीको खोका फेला नपरेको प्रहरीको भनाइ छ ।
