काठमाडौँ — Study Connect Nepal ले फ्रान्समा उच्च शिक्षा अध्ययनका अवसरहरूबारे केन्द्रित दुईदिने सूचना तथा भर्ना सत्र फेब्रुअरी ०२ गते कमलादी कम्प्लेक्स (पहिलो तला) स्थित कार्यालयमा र फेब्रुअरी ०३ गते बागबजारस्थित कार्यालयमा सफलतापूर्वक सम्पन्न गरेको छ। दुवै दिन बिहान ११:३० बजेदेखि सुरु भएको उक्त सत्रमा फ्रान्समा उच्च शिक्षा अध्ययन गर्न इच्छुक विद्यार्थीहरूको उल्लेखनीय सहभागिता रहेको थियो।

कार्यक्रमको उद्देश्य फ्रान्समा अध्ययनसम्बन्धी विश्वसनीय, प्रामाणिक तथा विस्तृत जानकारी प्रदान गर्नु रहेको थियो। कार्यक्रममा OMNES Education की South Asia Area Manager म्याडम Maud Le Bars को विशेष उपस्थिति रहेको थियो। OMNES Education (पूर्व INSEEC U) फ्रान्सका अग्रणी उच्च शिक्षण संस्थाहरूको प्रतिष्ठित समूह हो।

सत्रका क्रममा विद्यार्थीहरूलाई अध्ययन कार्यक्रमहरू, भर्ना प्रक्रिया, छात्रवृत्ति, करियर सम्भावना तथा फ्रान्समा विद्यार्थी जीवनसम्बन्धी विस्तृत जानकारी प्रदान गरिएको थियो। OMNES Education अन्तर्गतका शिक्षण संस्थाहरू फ्रान्स सरकारबाट पूर्ण रूपमा मान्यता प्राप्त रहेका छन्।

कार्यक्रममा सम्बोधन गर्दै Study Connect Nepal का प्रमुख कार्यकारी अधिकृत श्री प्रकाश ढकालले फ्रान्स तथा युरोपेली उच्च शिक्षाबारे आफ्नो विशेषज्ञ अनुभव साझा गर्नुभयो। उहाँले गुणस्तरीय शिक्षा, अन्तर्राष्ट्रिय शैक्षिक वातावरण तथा अध्ययनपछिका अवसरका कारण फ्रान्स नेपाली विद्यार्थीहरूको रोजाइको गन्तव्य बन्दै गएको बताउनुभयो।

त्यसैगरी Study Connect Nepal का फ्रेन्च भाषा प्रशिक्षक श्री जीवन रेग्मीले फ्रेन्च भाषा ज्ञानको महत्वबारे प्रकाश पार्दै शैक्षिक तथा सांस्कृतिक रूपमा सफल हुन भाषा सिक्नु आवश्यक रहेको उल्लेख गर्नुभयो। उहाँले इच्छुक विद्यार्थीहरूलाई Study Connect Nepal मा उपलब्ध फ्रेन्च भाषा कक्षामा सहभागी हुन आग्रह गर्नुभयो।

सत्रमा सहभागी विद्यार्थीहरूले भाषा तयारीदेखि लिएर अध्ययन प्रक्रिया तथा परामर्शसम्मको सम्पूर्ण सहयोग उपलब्ध गराएकोमा Study Connect Nepal प्रति धन्यवाद व्यक्त गरेका थिए। उनीहरूले संस्थाले विद्यार्थीहरूका लागि भरपर्दो र प्रभावकारी प्लेटफर्म प्रदान गरेको बताएका थिए।