काठमाडौँ — ICCC ले Canadore College, Canada सँगको सहकार्यमा विशेषज्ञसहितको सूचना सत्र (Info Session with Experts) फेब्रुअरी ०२, २०२६ मा दिउँसो २:०० बजेदेखि ४:३० बजेसम्म, पुतलीसडकस्थित ICCC (Putalihub Building, तेस्रो तला) मा सफलतापूर्वक सम्पन्न गरेको छ। सत्रको उद्देश्य क्यानाडामा अध्ययन गर्न चाहने विद्यार्थीहरूलाई क्यानाडोर कलेजका शैक्षिक कार्यक्रम, भर्ना प्रक्रिया तथा विद्यार्थी जीवनसम्बन्धी विश्वसनीय जानकारी प्रदान गर्नु थियो।

कार्यक्रममा Canadore College की Regional Manager म्याडम सोनिया टक्कर तथा Vice President – Academic डा. अहमद ओबाइडे को विशेष उपस्थिति रहेको थियो। सहभागी विद्यार्थीहरूले कलेजको शैक्षिक गुणस्तर, उद्योगमैत्री पाठ्यक्रम तथा करियर सम्भावनाबारे प्रत्यक्ष जानकारी प्राप्त गर्ने अवसर पाए।

कार्यक्रमलाई सम्बोधन गर्दै डा. अहमद ओबाइडे ले भन्नुभयो, “Canadore College व्यावहारिक र करियर-केन्द्रित शिक्षामा विश्वास गर्छ। ICCC जस्ता भरपर्दा संस्थासँगको सहकार्यले विद्यार्थीहरूलाई अन्तर्राष्ट्रिय शिक्षाबारे सही निर्णय लिन सहयोग पुर्‍याउँछ।”

त्यसैगरी म्याडम सोनिया टक्कर ले नेपाली विद्यार्थीप्रति कलेजको प्रतिबद्धता व्यक्त गर्दै भन्नुभयो, “नेपाली विद्यार्थीहरू क्यानाडोर कलेजका लागि महत्वपूर्ण छन्। यस्ता सूचना सत्रमार्फत हामी भर्ना, अध्ययन कार्यक्रम र अध्ययनपछिका अवसरबारे स्पष्ट जानकारी दिन चाहन्छौं।”

ICCC को तर्फबाट बोल्दै प्रतिनिधिले संस्थाको उद्देश्यबारे स्पष्ट पार्दै भन्नुभयो, “ICCC ले सदैव पारदर्शी परामर्श र विद्यार्थी केन्द्रित सेवामा विश्वास गर्दछ। क्यानाडोर कलेजजस्ता प्रतिष्ठित शिक्षण संस्थासँगको सहकार्यले विद्यार्थीहरूलाई प्रत्यक्ष विशेषज्ञसँग जोड्ने हाम्रो प्रयासलाई थप मजबुत बनाएको छ।”

हाल ICCC ले क्यानाडा, काठमाडौँ, बुटवल, पोखरा, चितवन, धनगढी, झापा, इटहरी, हेटौँडा र बनेपा सहित विभिन्न स्थानबाट अन्तर्राष्ट्रिय शिक्षा परामर्श सेवा प्रदान गर्दै आएको छ।