काठमाडौँ, उच्च शिक्षाका लागि विदेश जाने सोच बनाउँदै हुनुहुन्छ? तर कुन देश जाने, कस्तो कोर्स रोज्ने अनि छात्रवृत्ति कसरी पाउने भन्ने अलमलमा हुनुहुन्छ? चिन्ता नगर्नुहोस्, तपाईँको यही अलमललाई मेटाउन काठमाडौँको हात्तीसारस्थित हब इन्टरनेशनल एजुकेशनले यही जेठ १० गते आइतबार ‘ग्रान्ड मल्टि-डेस्टिनेशन एजुकेशन फेयर २०२६’ आयोजना गर्दैछ।
जुपिटर मिडियाको सहकार्यमा बिहान ११ बजेदेखि दिउँसो ४ बजेसम्म चल्ने यस मेलामा विश्वका २० भन्दा बढी प्रतिष्ठित विश्वविद्यालयका प्रतिनिधिहरू एउटै छानामुनि भेटिनेछन्। विशेष गरी भर्खरै प्लस टु सकेर बसेका विद्यार्थीहरूका लागि यो सुनौलो अवसर बन्ने देखिन्छ।
यसै सन्दर्भमा हब इन्टरनेशनल एजुकेशनका ब्रान्ड एन्ड प्रमोशन म्यानेजर पारस पन्त भन्नुहुन्छ— विदेश अध्ययनमा जान चाहने विद्यार्थी र उहाँहरूका अभिभावकहरू अक्सर सही कलेज, भिसा प्रक्रिया र भविष्यको करियरलाई लिएर निकै अन्योलमा परिरहेका हुन्छन्। उहाँ थप्नुहुन्छ— यही अन्योललाई चिर्न र विद्यार्थीहरूलाई एकदमै पारदर्शी एवं व्यावहारिक रूपमा प्रत्यक्ष गाइडन्स प्रदान गर्न हामीले यो मेलाको आयोजना गरेका हौँ। पन्तका अनुसार मेलामा विद्यार्थीहरूले विश्वविद्यालयका प्रतिनिधिहरूसँग सीधा संवाद गरी आफ्नो जिज्ञासा मेट्न पाउनेछन्।
मेलाका मुख्य आकर्षणहरू पनि निकै लोभलाग्दा छन्। युके, अष्ट्रेलिया, क्यानडा, अमेरिका, आयरल्याण्ड र युरोप जस्ता बहु-गन्तव्यहरूको विकल्प मात्र होइन, विद्यार्थीहरूले आफ्नो बलियो एकेडेमिक प्रोफाइलका आधारमा १०० प्रतिशतसम्मको छात्रवृत्ति समेत हात पार्न सक्नेछन्। त्यति मात्र कहाँ हो र? कलेजका प्रतिनिधिहरूद्वारा स्थलगत रूपमै डकुमेन्ट एसेसमेन्ट हुनेछ भने IELTS र PTE तयारी कक्षामा समेत शतप्रतिशतसम्मको छुटको व्यवस्था गरिएको छ।
अनि मेलामा आउने भाग्यशाली सहभागीहरूका लागि एयरपड्स, मूभी टिकट र मोबाइल टप-अप जस्ता आकर्षक सरप्राइज गिफ्टहरू पनि राखिएका छन्।
म्यानेजर पारस पन्त भन्नुहुन्छ— यो फेयर केवल एउटा मेला मात्र होइन, विद्यार्थीहरूको भविष्यको सही मार्गचित्र कोर्ने एउटा भरपर्दो माध्यम हो। त्यसैले शैक्षिक मन्त्रालय र ISO बाट प्रमाणित, ‘कन्सल्टेन्सी अफ द इयर २०२४’ अवार्ड विजेता हब इन्टरनेशनलको हात्तीसारस्थित मुख्य कार्यालयमा आउँदो आइतबार आउनुहोस्, बुझ्नुहोस् र आफ्नो भविष्यको सही निर्णय लिनुहोस्।