काठमाडौ/ कार्तिक ३१/
कलाकार हिमेश पन्तको निवेदनका आधारमा पक्राउ परेका पत्रकार किशोर श्रेष्ठ मिलापत्र कागज गरेर थूना मुक्त भएका छन् ।
श्रेष्ठलाई प्रहरीले आजै बिहान ललितपुरस्थित नख्खु, बागडोलमा रहेको उनकै घरबाट पक्राउ गरेको थियो।
कलाकार पन्तले अर्काको सम्पत्ति हडपेको विषयमा श्रेष्ठले आफू सम्बद्ध जनआस्था अनलाइनमा समाचार सम्प्रेषण गरेका थिए । त्यसप्रति आपत्ति जनाउँदै पन्तले प्रहरीको साइबर ब्यूरोमा निवेदन दिएका थिए ।
दुईजना बीच तीन घण्टा सम्म भएको छलफलपछि मिलापत्र कागज गरेर श्रेष्ठलाई थूना मुक्त गरीएको ब्यूरोस्रोले बताएको छ ।