सुनवल। भूमिहीनलाई आशा जगाई राष्ट्रिय भूमि आयोग पश्चिम नवलपरासीले सुनवल नगरपालिकामा जग्गाको नापजाँच कार्य सुरु गरेको छ ।आयोगले सुनवल-१२ भुमहिबाट काम सुरु गरेको हो। जग्गा नापजाँच कार्यको आज भुमहिमा एक कार्यक्रमका बिच प्रदेश सभा सदस्य खडक बस्नेतले शुभारम्भ गर्नुभयो । शुभारम्भ कार्यक्रममा बोल्दै लुम्बिनी प्रदेश सभा सदस्य बस्नेतले जिल्लाका अन्य पालिकामा भन्दा अघि सुकुम्बासी तथ्याङ्क सङ्कलन भए पनि सुनवलमा नापजाच काम ढिला भएकोमा दुख व्यक्त गर्नुभयो । भूमि आयोग र स्थानीय तहलाई प्रश्न गर्दै उहाले राजनीति समीकरण परीवर्तन भएकै कारण असहयोग गर्न नहुने कुरा व्यक्त गर्नुभयो।
प्रदेश सभा सदस्य बस्नेतले राजनीति दल र जनप्रतिनिधिले जनताका सुकुम्बासी समस्या साझा भएकोले एकै ठाउमा भएर आगाडी बढ्नुपर्ने बताउनु भयो । लालपुर्जा बाध्ने बेलामा हुने समस्यामा राज्य र सम्वन्धित निकायले तोकेको शुल्कमा कन्जुसाई नगरी तिर्न आग्रह गर्दै प्रदेश सदस्य बस्नेतले कुनै व्यक्तिले आर्थिक लाभ लिन बदमासी हुन् सक्ने कुरामा सचेत हुन सम्बन्धित निकाय र जनतालाई आग्रह गर्नु भयो।
जग्गा नापजाच शुभारम्भ कार्यक्रममा सुनवल नगर प्रमुख बिमला अर्याल,वडा १२ का अध्यक्ष चुरामणि पौडेल(दिपक),राजनीतिक दलका प्रतिनिधि लगायत स्थानीयको उपस्थिति रहेको थियो ।
सुनवल नगरपालिकामा भूमिहीन दलित २ सय १२, भूमिहीन सुकुम्वासी ४ सय ३२ र अव्यवस्थित वसोवासीको सङ्ख्या ५ हजार ५ सय ८ गरि कुल ६ हजार १ सय ५७ सुकुम्बासीको तथ्याङ्क रहेको भूमि आयोग पश्चिम नवलपरासीका अध्यक्ष देवराज भण्डारीले जानकारी दिनुभयो।
भूमि आयोग र जिल्ला नापी कार्यालयबाट अमिन टोली र विज्ञ सदस्य सहित नापजाँचको काम प्रारम्भ भएको भण्डारीले बताउनुभयो। अव्यवस्थित सुकुम्बासीका र चरणबद्ध रुपमा अन्य सबैको नापजाँच सुरु गरिने भण्डारीले बताउनुभयो।
यस अघि गत माघ ३ गतेदेखी राष्ट्रिय भूमि आयोगले बर्दघाटको वडा नम्बर ७ बाट जग्गा नापजाँचको काम सुरु गरेको थियो। हालसम्म बर्दघाट र सुनवल नगरपालिकाले मात्र भूमिहीन सुकुम्वासीहरूको विवरण सङ्कलन गरेका छन । स्थानीय तहहरुले विवरण सङ्कलन गरे पश्चात मात्र जिल्लाको समग्र एकिन विवरण आउने भूमि आयोगले जनाएको छ।
