मंसिर १९ । अकल्ट साइन्सको शिक्षा दिने संस्था संस्कार एकेडेमीले ‘प्रोफेसनल वास्तु कन्सल्ट्याण्ट’ कोर्षको ३ दिनको प्राक्टिकल कार्यशाला सम्पन्न गरेको छ । एकेडेमीले अनलाइन प्रबिधिबाट ‘प्रोफेसनल वास्तु कन्सल्ट्याण्ट’ कोर्ष अध्ययन गरेका करिब १५० जना आफ्ना विद्यार्थीहरुलाई दीक्षित समेत गरेको छ । ‘घरलाई स्वर्ग बनाउने यात्रा’ मा अगाडी बढेको संस्कार एकेडेमीले नेपालमा आधुनिक र बैज्ञानिक रुपमा काम गर्न सक्ने ‘प्रोफेसनल वास्तु कन्सल्ट्याण्ट’ तयार गर्दै आइरहेको छ ।
आफ्ना विद्यार्थीहरुलाई अहिलेको समय अनुसार आधुनिक र बैज्ञानिक रुपमा बास्तुको काम गर्न सक्ने गरी योग्य बनाएर मात्रै बजारमा पठाउने गरेकोले अनलाइन अध्ययन पश्चात यस किसिमको प्राक्टिकल कार्यशाला राखी विद्यार्थीहरुलाई वास्तुको हरेक प्रकारको बैज्ञानिक र प्रभावकारी उपचार गर्न सक्षम बनाउने र वास्तुमा प्रयोग हुने नबिनतम प्रबिधि र उपकरणहरुमा समेत दक्ष बनाउने उदेश्यले यस्तो कार्यक्रम गरिएको वरिष्ठ वास्तु गुरु आचार्य राजा बाबु शाहले बताउनुभयो ।
कार्यक्रमका विभिन्न सेसनहरुमा डा. कुलबहादुर गुरुङले सहजीकरण गर्नुभएको थियो भने इञ्जिनियरहरु सुशील अमात्य, राजेन्द्र लिगल, श्रीराम श्रेष्ठ, सुशील श्रेष्ठ लगायतले वास्तुबिद्लाई आवश्यक पर्ने इञ्जिनियरिङ्गको ब्यबहारिक ज्ञान दिनुभएको थियो । कार्यक्रममा कोच आशा शाहले ‘ग्राफोलोजी र सिग्नेचर एनालाइसिस’ को मास्टर क्लास दिनुभएको थियो ।
वास्तु र ज्योतिषको क्षेत्रमा काम गरिरहेकाहरुको अलावा इञ्जिनियर, अर्किटेक्ट, इन्टेरियर डिजाइनर, अधिवक्ता, ब्याङ्कर लगायत अन्य बिबिध पेशा र व्यवसायका मानिसहरु कार्यक्रमबाट दीक्षित भई अब प्रोफेसनल वास्तु कन्सल्ट्याण्ट बनेका छन्।
वास्तु धार्मिक बिषय नभएर हरेक मानिसको घर र जीवनसंग जोडिएको बिषय भएकोले यसप्रति सबैको रुचि बढेकोले आधुनिक र बैज्ञानिक रुपमा यसको प्रयोग हुनुपर्ने समारोहमा दिक्षित भई वास्तु कन्सल्ट्याण्ट बन्नुभएका नवलपरासीका जूनियर इञ्जिनियर नारायण सुबेदी बताउनुहुन्छ ।
यस्तै वास्तु कन्सल्ट्याण्ट ध्रुवराज पराजुलीले योगा, ध्यान, अंक ज्योतिष, स्वर बिज्ञानको सेसनमा आचार्य राजा बाबु शाहबाट थप अतिरक्त ज्ञान पाएकोमा खुशी प्रकट गर्नुभयो । ‘प्रोफेसनल वास्तु कन्सल्ट्याण्ट’ कोर्ष अध्ययन पश्चात काठमाडौ महानगर प्रमुख बालेन्द्र शाहकी आमा ध्रुबादेवी शाह समेत दीक्षित हुनुभएको थियो ।
काभ्रे, धुलिखेल स्थित सारथी होटेलमा मङ्सिर १३ गते देखि मङ्सिर १५ गते सम्म ३ दिन सम्म चलेको कार्यक्रममा देशैभरिबाट वास्तु पढिरहेका सहभागीहरु दीक्षित हुन पुगेका थिए।
