काठमाडौं, ICCC चाबहिलको आयोजनामा सम्पन्न मल्टी डेस्टिनेशन फेस्ट २०२५ यही आइतबार, जुन १ तारिखका दिन भव्य रूपमा सम्पन्न भएको छ। क्यानडा, युके, अमेरिका र अष्ट्रेलियाजस्ता प्रमुख अध्ययन गन्तव्यहरूमा जान चाहने विद्यार्थीहरूको उल्लेखनीय सहभागिताले कार्यक्रममा उत्साहजनक वातावरण सिर्जना गर्यो।
बिहान ११ बजेदेखि दिउँसो ४ बजेसम्म चाबहिलस्थित ICCC कार्यालयमा सञ्चालन भएको कार्यक्रममा सयौं विद्यार्थी तथा अभिभावकहरू उपस्थित थिए। उनीहरूले विभिन्न देशका विश्वविद्यालयमा भर्ना प्रक्रिया, भिसा तयारी, छात्रवृत्ति अवसर, र IELTS/PTE परीक्षाको तयारीबारे विस्तृत जानकारी प्राप्त गरे।
कार्यक्रमको विशेष आकर्षणको रूपमा IELTS र PTE कक्षामा ५०% छुट दिने घोषणा गरिएको थियो। साथै, IELTS मा ७.५ वा PTE मा ७२ स्कोर गर्ने विद्यार्थीलाई सम्पूर्ण शुल्क फिर्ता गरिने अफरले विद्यार्थीहरूमा थप उत्साह सिर्जना गर्यो।
कार्यक्रमको समापनमा ICCC चाबहिल शाखा प्रमुख श्री अनुप शर्माले सहभागी विद्यार्थीहरूलाई विशेष धन्यवाद व्यक्त गरे। उनले भने, “विद्यार्थीहरूको चासो र सक्रिय सहभागिताले हाम्रो टिमलाई अझ जिम्मेवार र प्रेरित बनाएको छ। हामी आगामी दिनमा पनि भरपर्दो र गुणस्तरीय शैक्षिक परामर्श दिन प्रतिबद्ध छौं।”
सो अवसरमा ICCC का अध्यक्ष श्री राम खड्काले विद्यार्थी तथा अभिभावकहरूलाई नेपालभर रहेका सबै शाखाहरूमा विश्वास गर्न आग्रह गरे। उनले भने, “ICCC चाबहिल मात्र होइन, हाम्रा सबै शाखाहरूमा अनुभवी टोली र पारदर्शी सेवा उपलब्ध छ। तपाईं जुनसुकै शाखा जानुहोस्, हामी तपाईंको शैक्षिक भविष्य सुरक्षित बनाउने ग्यारेन्टी दिन्छौं।”
विद्यार्थीहरूको उत्साह, विशेषज्ञहरूको सल्लाह, र ICCC टिमको समन्वयका कारण मल्टी डेस्टिनेशन फेस्ट २०२५ अत्यन्त सफल, व्यवस्थित र फलदायी भएको आयोजकहरूले जनाएका छन्।
