ललितपुर, ड्रिमनेक्स्ट एजुकेशन फाउन्डेशनद्वारा ललितपुरको कुमारीपाटीस्थित आफ्नै परिसरमा आयोजना गरिएको ‘स्कॉलरशिप कर्निवल २०२५’ बिहीबार भव्यताका साथ सम्पन्न भएको छ। बिहान १० बजेदेखि बेलुकी ५ बजेसम्म सञ्चालन भएको उक्त कार्यक्रममा करिब ४०० विद्यार्थीहरू सहभागी भएका थिए।
कर्निवलमा अष्ट्रेलिया, अमेरिका, क्यानडा, बेलायत, न्यूजील्याण्ड, आयरल्यान्ड र युरोप लगायत प्रमुख गन्तव्यहरूमा अध्ययन गर्न चाहने विद्यार्थीलाई छात्रवृत्ति अवसर, कोर्ष छनोट, भर्ना प्रक्रिया, तथा भिसा सम्बन्धी विषयमा विशेषज्ञ परामर्श प्रदान गरिएको थियो। सहभागी विद्यार्थीहरूले प्रत्यक्ष रूपमा विशेषज्ञहरूसँग अन्तरक्रिया गर्दै आफ्नो जिज्ञासाको समाधान गर्न पाएका थिए।
कार्यक्रममा सहभागी सबै विद्यार्थीका लागि निःशुल्क प्रवेशको व्यवस्था गरिएको थियो भने सहभागीलाई विशेष उपहारसमेत प्रदान गरिएको थियो।
ड्रिमनेक्स्ट एजुकेशन फाउन्डेशनका निर्देशक सन्तोष मण्डलले कर्निवलमा सहभागी सबै विद्यार्थी, अभिभावक तथा साझेदारहरूलाई धन्यवाद दिँदै भने, “विदेश पढ्ने लक्ष्य राखेका विद्यार्थीहरूको भविष्य निर्माणमा यो कर्निवल सहायक भएको विश्वास लिएका छौं। यस्ता कार्यक्रमले विद्यार्थीलाई सही निर्णय गर्न सहयोग पुर्याउँछन्।”
