सरोज धिताल-/नवलपरासी (बसुप), असार ३
नवलपरासी(ब सु प)को बर्दघाट नगरपालिकामा कपडा बैँक स्थापना गरिएको छ । घरमा प्रयोगमा नआएका तथा नयाँ कपडाहरू जम्मा गर्न सकिने गरी बर्दघाट नगरपालिकाको परिसरमा बैङ्कको स्थापना गरिएको छ। बर्दघाट जेसिज र क्लोथ एण्ड फुड बैँक नेपालको आयोजना र बर्दघाट नगरपालिकाको आर्थिक सहयोगमा स्थापना गरिएको बैङ्कको आज (मङलबार) एक कार्यक्रमगरी शुभारम्भ गरिएको हो ।
शुभारम्भ कार्यक्रममा बोल्दै नगर प्रमुख शम्भुलाल श्रेष्ठले नगरमा अझैपनी हुने खाने र हुदा खाने बर्द बिध्यमान रहेका कारण हुने खानेले प्रयोग गर्न छोडेका कपडा न्यून आयस्तर भएका ब्यक्तिलाइ प्रयोगमा ल्याउन सकिने हुदा कपडा बैँकको अवधारणा नगरमा ल्याइएको र यसमा बर्दघाट जेसिसले सहजिकरको भुमिका निर्वाहा गरेको बताउनुभयो। जाडो समयमा गरिब तथा विपन्नहरू एक सरो कपडा पनि लाउन नपाएको अवस्थामा बर्दघाट नगरपालिकाले अभियान चलाएर कपडा वितरण गर्ने गरेको स्मरण गर्दै अव कपडा बैँक मार्फत  काम गर्न सकिने श्रेष्ठको भनाई थियो ।
क्लोथ एण्ड फुड बैँक नेपालका अध्यक्ष कमल जि सिले  प्रयोग गरिएका पुराना कपडा सँगै इच्छा हुनेले नयाँ कपडाहरू पनि दान गर्न सकिने बताउनुभयो । हाल देशभरका १ सय ६१ वटा स्थानीय तहमा कपडा बैँक स्थापना गरिएको र देशैभर यो अभियान लिएर जाने गरी आफूहरू अगाडि बढेको जिसीको भनाई रहेको थियो । बैङ्कमा जम्मा भएका कपडालाई प्रशोधन गरी लगाउन योग्य बनाएर वितरण गरिने उहाँले बताउनुभयो ।IMG_8379
कार्यक्रममा बोल्दै बर्दघाट खाने पानी तथा सरसफाइ उपभोक्ता सस्थाका अध्यक्ष दिपक लम्सालले पुन प्रयोग गरिने कपडाका कारण यश कर्मले बातावरण प्रदुशन पनि न्यून गर्ने हुदा धनी र गरिबको खाडल नदेखिने बितरन प्रणालिमा सजगता अपनाउदै खर्चको ब्ययभार बारे बेलैमा सबै प्रस्ट हुनुपर्ने बिचार ब्यक्त गर्नुभयो।
कार्यक्रममा बोल्दै बर्दघाट जेसिज वर्ष २०२५ का अध्यक्ष जेसी मोहन सापकोटाले कपडा बैँक स्थापना गर्नका लागि बर्दघाट जेसिजलाई विश्वास गरी जिम्मेवारी दिएकोमा आभार व्यक्त गर्नुभयो । सापकोटाले बर्दघाट नगरपालिकाले चालेका हरेक अभियानमा सहकार्य भैरहेकोले नगरमा रहेको युवा तथा खेलकुद शाखा रहेकोले युवाको क्षेत्रमा नीति तथा योजना निर्माण गर्दा युवाहरूको पनि प्रतिनिधित्व गराउनुपर्ने भनाई राख्नुभएको थियो ।

कार्यक्रममा बर्दघाट जेसिजका संस्थापक अध्यक्ष एवं उद्योग ब्यापार सङ्घ बर्दघाटका अध्यक्ष राजु न्यौपाने लगायतले शुभकामना व्यक्त गर्नुभएको थियो ।