काठमाडौं, “क्यानडा ब्याक, लिडरसीप ब्याक” भन्ने शिर्षकमा एक विशेष शैक्षिक तथा नेतृत्व केन्द्रित कार्यक्रम काठमाडौंको होटल मेरियटमा भव्य रूपमा सम्पन्न भयो।
कार्यक्रमले नेपाली विद्यार्थीहरूका लागि क्यानडामा उच्च शिक्षाको अवसरहरू र परामर्शदाताहरू तथा क्यानडाली विश्वविद्यालयहरूबीचको सहकार्यलाई प्रवर्द्धन गर्ने उद्देश्य लिएको थियो।
यस कार्यक्रमको आयोजना ग्लोबल युनिभर्सिटी सिस्टम्स क्यानडाले गरेको थियो, जसमा युनिभर्सिटी क्यानडा वेस्ट र हालै स्थापना गरिएको प्रविधि–केन्द्रित विश्वविद्यालय युनिभर्सिटी अफ नियाग्रा फल्स क्यानडा समावेश थिए।
मुख्य वक्ताहरूमा ब्रायन भिथिलिङ्गम, उपाध्यक्ष – अन्तर्राष्ट्रिय विद्यार्थी भर्ना, गस क्यानडा, र कल्याण मोहन, क्षेत्रीय निर्देशक, युनिभर्सिटी क्यानडा वेस्ट, सहभागी भएका थिए।
दुवै वक्ताले विश्वविद्यालयहरूका अद्यावधिक जानकारीहरू प्रस्तुत गर्दै नेपाली विद्यार्थीहरूलाई क्यानडाको गुणस्तरीय शिक्षामा पहुँच विस्तार गर्न निरन्तर सहयोग गर्ने प्रतिबद्धता व्यक्त गरेका थिए।
ब्रायन भिथिलिङ्गमले युनिभर्सिटी क्यानडा वेस्टद्वारा प्रदान गरिने बाचलर अफ कमर्स, बिए इन बिजनेस कम्युनिकेशन, तथा एमबिए (मार्केटिङ, फाइनान्स, बिजनेस एनालिटिक्स) जस्ता व्यवसाय केन्द्रित कोर्सहरूको विस्तृत जानकारी प्रस्तुत गरेका थिए।
उनले प्रि–एमबिए कार्यक्रम र भ्यानकूवर सहरमा अवस्थित क्याम्पसको विशेष फाइदाको पनि उल्लेख गरेका थिए।
कल्याण मोहनले युनिभर्सिटी अफ नियाग्रा फल्स क्यानडाको बारेमा जानकारी दिँदै, यसले नवप्रवर्तन, प्रविधि, र भविष्य–मुखी शैक्षिक कार्यक्रमहरूमा प्राथमिकता दिने बताए।
यहाँ उपलब्ध प्रमुख कार्यक्रमहरूमा बाचलर अफ एप्लाइड कम्प्युटर साइन्स, बाचलर अफ बिजनेस एड्मिनिस्ट्रेसन, र मास्टर्स इन डाटा एनालिटिक्स एन्ड डिजिटल मिडिया समावेश रहेको जानकारी गराइएको थियो।
नेत्र कोइराला, युनिभर्सिटी क्यानडा वेस्ट र युनिभर्सिटी अफ नियाग्रा फल्स क्यानडाका एसोसिएट डाइरेक्टरले सहभागी सम्पूर्ण परामर्शदाता, काउन्सिलर तथा शैक्षिक साझेदारहरूलाई अमूल्य समय दिएर कार्यक्रम सफल बनाएकोमा धन्यवाद व्यक्त गरेका थिए।
उनले दक्षिण एशियाली क्षेत्रमा युसीडब्ल्यूको उपस्थिति सुदृढ गर्न नेपाली साझेदारहरूले पुर्याएको योगदानको विशेष प्रशंसा गरेका थिए।
कार्यक्रममा सहभागी परामर्शदाता संस्थाहरूले गस क्यानडाद्वारा प्रदान गरिने शीघ्र सेवा, पारदर्शी प्रक्रिया र विद्यार्थीमुखी कार्यप्रणालीको उच्च प्रशंसा गरेका थिए।
उनीहरूले यस्ता अन्तरक्रियात्मक कार्यक्रमहरू अझ प्रभावकारी रूपमा विद्यार्थीहरूलाई मार्गदर्शन गर्न अत्यन्त उपयोगी हुने धारणा व्यक्त गरेका थिए।
कार्यक्रमको समापन नेटवर्किङ सेसनसहित गरिएको थियो, जहाँ सहभागीहरूले आगामी सेप्टेम्बर/जनवरी इन्टेक, कोर्स छनोट, तथा भविष्यको सहकार्यबारे विश्वविद्यालय प्रतिनिधिहरूसँग प्रत्यक्ष संवाद गरेका थिए।