काठमाडौं । V.S. Education Foundation को व्यवस्थापनमा सञ्चालन हुँदै आएको V.S. Niketan College, मिनभवनले BBA कार्यक्रमअन्तर्गत अध्ययन पूरा गरेका विद्यार्थीहरूका लागि Graduation & Farewell Programme–2025 भव्य रूपमा सम्पन्न गरेको छ। शैक्षिक उपलब्धि, सम्मान र भावनात्मक विदाइको संगम बनेको यस कार्यक्रममा कलेज परिवार, अभिभावक तथा विद्यार्थीहरूको उल्लेख्य सहभागिता रहेको थियो।

कार्यक्रमको सुरुवात दीक्षान्त समारोहका पदाधिकारीहरूको औपचारिक आगमनसँगै भएको थियो। कलेजकी अध्यक्षज्यू, संस्थापक निर्देशक डा. बाबिन पोखरेल, शैक्षिक सल्लाहकार, COO, प्रधानाध्यापक, अनुसन्धान व्यवस्थापन सेल प्रमुख, प्रमुख वक्ता, BBA समन्वयक, शिक्षक–शिक्षिकाहरू, प्रशासनिक कर्मचारी तथा विद्यार्थीहरूलाई औपचारिक रूपमा स्वागत गरिएको थियो। त्यसपछि संस्थापक निर्देशक डा. बाबिन पोखरेलद्वारा पानस प्रज्वलन गरी राष्ट्रिय गान प्रस्तुत गरिएको थियो।

कार्यक्रमको औपचारिक परिचय मिसेस सोनम जलानले गराउनुभएको थियो भने कलेजका प्रधानाध्यापक श्री रञ्जित कुमार पण्डितले सम्बोधन गर्दै विद्यार्थीहरूको शैक्षिक यात्राको प्रशंसा गर्नुभयो। संस्थापक निर्देशक डा. बाबिन पोखरेलले दीक्षान्त तथा विदाइ मन्तव्य राख्दै विद्यार्थीहरूलाई अनुशासन, नेतृत्व र नैतिक मूल्यसहित अघि बढ्न प्रेरणा दिनुभयो। COO श्री हेमचन्द्र महतो तथा शैक्षिक सल्लाहकार सह–प्राध्यापक डा. ए.के. चौधरीले पनि विद्यार्थीहरूको उज्ज्वल भविष्यको कामना गर्दै शुभकामना मन्तव्य व्यक्त गर्नुभयो।

समारोहका क्रममा शैक्षिक उत्कृष्टता पुरस्कार संस्थापक निर्देशक डा. बाबिन पोखरेलद्वारा प्रदान गरिएको थियो। साथै, उत्तीर्ण विद्यार्थीहरूलाई मायाको चिनो प्रदान गर्दै कलेजप्रति उनीहरूको योगदान र स्मृतिलाई सम्मान गरिएको थियो। उत्तीर्ण विद्यार्थीका तर्फबाट घनश्याम शाहले मन्तव्य राख्दै कलेजप्रति कृतज्ञता व्यक्त गर्नुभयो।

कार्यक्रमको दोस्रो चरण सांस्कृतिक तथा मनोरञ्जनात्मक प्रस्तुतिहरूले भरिएको थियो। आठौँ सेमेस्टरका विद्यार्थी आशिष आचार्यको स्वागत तथा विदाइ मन्तव्यसँगै गणेश वन्दना, स्वागत नृत्य, विदाइ कविता, गीत–संगीत तथा समूह नृत्यहरूले माहोललाई जीवन्त बनाएको थियो। Mr./Ms. Farewell अन्तर्गत परिचय, वाक–एण्ड–क्वेश्चन राउण्ड सम्पन्न भई अन्ततः नतिजा घोषणा गरिएको थियो।

कार्यक्रमको समापन पासआउट विद्यार्थी प्रतीक गौतमको धन्यवाद मन्तव्यसँगै गरिएको थियो। V.S. Niketan College ले यस कार्यक्रममार्फत शैक्षिक उपलब्धिसँगै विद्यार्थीहरूको समग्र व्यक्तित्व विकास र सांस्कृतिक अभिव्यक्तिलाई पनि समान महत्व दिने आफ्नो प्रतिबद्धता पुनः पुष्टि गरेको छ।

News in English https://www.educastnepal.com/english/education-news/vs-news/