सुनवल / सर्वाङ्गिण कृषि सहकारी सस्था लि सुनवलले ३० करोड ६९ लाख पुजी परिचालन गर्दै २४औं बार्षिक साधारण सभा शनिवार सम्पन्न गरेको छ । खगराज उपाध्यायको अध्यक्षता र नगरपालिकाका उप मेयर सुर्य प्रसाद दुबेको प्रमुख आतिथ्यता एवं संस्था को गणपूरक शेयरधनी सदस्यको उपस्थितिमा सभा सम्पन्न भएको हो ।
२४ सय ६४ कुल शेयर सदस्य, ३० करोड ६९ लाख ८५ हजार ५ सय ५३ कुल पुजी रहेको सस्थाले यो वर्ष ७१ लाख ५० हजार ७४ रुपैयाँ नाफा गरेको सभामां जनाईएको छ ।
अध्यक्ष खगराज उपाध्यायले वार्षिक प्रगति तथा कार्ययोजना प्रतिवेदन प्रस्तुत गर्ने क्रममां संस्थाले कृषि क्षेत्रको विकासमा जोड दिन यस क्षेत्रमा लगानी बृद्धि गर्दै कृषि कार्ययोजना तय गरेको बताउनुभयो ।
प्रमुख अतिथि एवं उपप्रमुख सुर्य प्रसाद दुबेले वर्तमान अवस्थामां सहकारीमा भएको तरलतालाई व्यवस्थापन गरि व्यवसायीकता तर्फ़ उन्मुख भई सदस्यहरुको सिपका साथ समग्र आर्थिक विकासमा जोड़ दिन सुझाव दिनु भयो ।
यस्तै सहकारीले यस आव मा ७१ लाख ५० हजार ७४ रुपैया खुद मुनाफा आर्जन गरेको कोषाध्यक्ष हरि प्रसाद चापागाईले प्रस्तुत गर्नुभएको आर्थिक प्रतिवेदनमा जनाईएको छ । कार्यक्रममा विभिन्न सुझाव सहित लेखा सुपरीवेक्षण समितिको तर्फबाट लेखा संयोजक सुवणर्राज उपाध्यायले लेखा प्रतिवेदन प्रस्तुत गर्नुभएको थियो ।
कार्यक्रममा जनकल्याण बहुउद्देश्यीय सहकारी संस्थाका अध्यक्ष दयाराम भण्डारी, जनता संझौता साकोसका अध्यक्ष डोलराज भण्डारी, सुनवल वडा नं १ का वडा अध्यक्ष मन बहादुर थापा, वडा नं ६ का वडा अध्यक्ष हिमलाल चापागाई, जिल्ला सहकारी संघ नवलपरासीका संचालक समिति सदस्य कृष्ण बन्धु अर्याल लगायतले शुभकामना मन्तव्य राख्नुभएको थियो ।
संस्थाका उपाध्यक्ष रुद्रनाथ लामिछानेद्वारा औपचारिक स्वागत गरिएको कार्यक्रमको संचालन संस्थाका सचिव कृष्ण अर्यालले गर्नु भएको थियो ।समारोहमा ८४ वर्ष उमेर पुगेका जेष्ठ सदस्य, शैक्षिक क्षेत्रमा उच्च नतिजा हासिल शेयर सदस्यका सन्ततिलाई सम्मान समेत गरीएको ब्यवस्थापक सोमनाथ सापकोटाले बताउनुभयो ।