भैरहवा। रुपन्देहीको रोहिणी गाउँपालिका वडा नम्बर ४ स्थित छिपागढमा सञ्चालित श्याम लेमिनेटस प्रा लिबाट निस्केको विषादीयुक्त केमिकलबाट स्थानीयबासीको श्वासप्रश्वासमा समस्या देखिएको भन्दै उद्योग बन्द गर्न माग गर्दै स्थानीयले ज्ञापनपत्र बुझाएका छन् ।
उद्योगको धुँवा प्रदुषणले गाईवस्तु तथा सिचाईमा प्रयोग हुने बघेला खोलाको पानी समेत प्रदुषित भएको हुँदा उक्त उद्योग बन्द गर्न माग गर्दै स्थानीयले रोहिणी गाउँपालिकाको कार्यालयसहित विभिन्न निकायलाई ज्ञापनपत्र बुझाएका हुन् ।
यसअघि पनि उद्योगसम्बन्धी उजुरी समेतमा कारवाही नभएको तथा सुधार नभएकोले समस्या समाधान र आवश्यक कारवाहीका लागि ज्ञापनपत्रमार्फत माग गरिएको नेकपा एमाले रुपन्देही जिल्ला कमिटी सदस्य समेत रहेका स्थानीय प्रदिप कुमार पाण्डेले बताए ।
