परासी / पश्चिम नवलपरासीको बर्दघाट नगरपालिका -१३ जमुनावारी स्थित नाशा डान्स बार एण्ड रेष्टुरेन्टमा भएको झगडामा एक जनाको ज्यान गएको छ ।
गत माघ २८ गते राती ११ः५० भएको झगडामा प्रतापपुर गाँऊपालिका. ९, खैरनीका बर्ष ४५का सन्त बहादुर चौधरीको ज्यान गएको हो । राति झगडा भई घाईते भएका चौधरीको बुटवल स्थित चौराह अस्पतालमा उपचारका क्रममा माघ ३० गते साझ मृत्यु भएको जिल्ला प्रहरी कार्यालयका सुचना अधिकारी रेशमा बोहराले जानकारी दिएका छन । डान्स बारमा फोटो तथा भिडियो खिचेको विषयमां भएको विवादमा झगडा हुदाँ घाईते प्रतापपुर गाँऊपालिका वडा नं ९ का सन्त बहादुर चौधरी, मिन्टु चौधरी र सरोज चौधरी घाईते भएका थिए । 
प्रहरीले डान्सबार सञ्चालक प्रतापपुर ४ का राकेश हरिजन, सोही पालिका वडा नं.९ का ३१ बर्षिय अमित चौधरी र ३५ बर्षिय सरोज चौधरीलाई पक्राऊ गरि अदालतबाट थप ७ दिनको म्याद थपगरि अनुसन्धान अघि बढ़ाएको नवलपरासी प्रहरीले जनाएको छ ।
