परासी / फागुन ९
बर्दघाट नगरपालिका वडा नं.१४ धर्मबस्तीमा निर्मित नयाँ बुद्ध स्तुपाको समुद्घाटन गरिएको छ ।
बर्दघाट नगरपालिकाका नगरप्रवक्ता तथा वडा नं.१४का वडाअध्यक्ष सन्त बहादुर गाहाको प्रमुख अतिथ्यतामा उक्त कार्यक्रम सम्पन्न भएको हो ।
उक्त समारोहलाई सम्बोधन गर्दै नगरप्रवक्ता गाहाले धर्मको माध्ययमबाट समाजलाई एकजुट गराऊन सफल हुनुभएकोमा स्तुपा निर्माण संरक्षक अमृत गुरुङ्गलाई धेरै धेरै धन्यवाद व्यक्त गर्नुभएको थियो । उहाँले बुद्धको नामबाट विश्व परिचित नेपालमा बुद्धसंग सम्बन्धित गतिविधिले धार्मिक पर्यटक भित्राऊन समेत मद्दत पुग्ने बताऊनुभएको थियो । प्रमुख अतिथि गाहाले आफु विदेशमा रहेर पनि जन्मस्थानमा धार्मिक गतिविधि मार्फत विदेशमा रहेका नेपालीहरुलाई समेत सहभागी गराएर अपनत्व दिलाऊदै देश प्रतिको गुरुङ्गको माया प्रसंसनिय रहेको बताऊनुभयो ।
कार्यक्रमलाई सम्बोधन गर्दै स्तुपा निर्माण संरक्षक अमृत गुरुङ्गले गुमनाम अवस्थामा रहेको गुम्बालाई थप परिस्कित बनाउदै गुम्बा परिसरमा भान्सा घर, बुद्धको स्तुपा, अत्याधुनिक शौचालय, भिक्षुहरुकालागि आरामकक्ष, बगैचा, खानेपनी लगाएतको संरचना आफु र आफ्नो पहलमा साथिभाई तथा शुभेच्छुकको सहयोगमा निर्माण गरि गुम्बा सञ्चालक समितिलाई हस्तान्तरण गरेको बताऊनुभयो । आफु विदेशमा भएपनि आफ्नो जन्मभुमि प्रतिको अगाध मायाका कारण आफुले आफ्ना साथीभाईको सहयोगमा निरन्तरको प्रयासपछि यो निर्माणकार्य सम्पन्न गर्न सफल भएको बताऊनुभयो। कार्यक्रममा बर्दघाट नगरपालिका वडा नं.१६का वडा अध्यक्ष भिमकाजी गुरुङ्ग, बर्दघाट नगरपालिका वडा नं.१४का पूर्ववडाअध्यक्ष केशव वहादुर खत्रीक्षेत्री, वडानं.१६का पूर्वअध्यक्ष सुक बहादुर गुरुङ्ग लगाएतको उपस्थितिमा कार्यक्रम सम्पन्न भएको थियो ।
धम्ब बुद्ध विहारका कार्यबाहक अध्यक्ष खिम बहादुर रानाको अध्यक्षतामा सम्पन्न कार्यक्रममा संस्थालाई आर्थिक तथा भौतिक सहयोग गर्ने व्यतित्वहरुलाई सम्मान गरिएको थियो ।
