काठमाडौं। कोरिया शैक्षिक परामर्श संघ नेपाल (केक्यान) को पाचौं बार्षिक साधारण सभा र तेस्रो अधिवेशन भव्य रूपमा सम्पन्न भएको छ। शनिबार काठमाडौंको स्मार्ट प्यालेस चावहिलमा सम्पन्न अधिवेशनले विष्णु खड्कालाई अध्यक्षमा निर्वाचित गरेको छ।
कार्यक्रममा राष्ट्रियसभाका पूर्वअध्यक्ष गणेशप्रसाद तिमिल्सिना प्रमुख अतिथिका रूपमा उपस्थित रहे भने, केक्यानका संस्थापक अध्यक्ष गणेश शर्माको अध्यक्षतामा अधिवेशन सम्पन्न भयो।
नयाँ कार्यसमिति चयन
तेस्रो अधिवेशनमार्फत नयाँ कार्यसमिति चयन गरिएको छ। जसअनुसार:
- वरिष्ठ उपाध्यक्ष – रमेश अधिकारी
- उपाध्यक्ष – शशीप्रसाद भट्टराई
- महासचिव – नरेशप्रसाद सेडाई
- सचिव – बद्रीप्रसाद ढकाल
- कोषाध्यक्ष – द्रोणविक्रम थापा
त्यसैगरी, सदस्यहरूमा गणेश पोखरेल, रमेश पाठक, यदुनाथ उपाध्याय, गीताकुमारी सुवेदी, सन्तोषी पन्त, प्रमोद ढुङ्गाना, रिजन मडै, नारायणकृष्ण श्रेष्ठ चयन भएका छन्।
कार्यक्रमको प्रमुख उद्देश्य
अधिवेशनमा गत वर्षको गतिविधि र वित्तीय कारोबारको रिपोर्ट प्रस्तुत गरियो। साथै, आगामी वर्षको योजना, बजेट छलफल र अनुमोदन समेत गरिएको थियो।
के हो केक्यान?
कोरिया शैक्षिक परामर्श संघ नेपाल (केक्यान) २०७७ साल फागुन २६ गते गणेश शर्माको अध्यक्षतामा स्थापना भएको सामाजिक संस्था हो। यो संघ विशेष रूपमा कोरियामा उच्च शिक्षा अध्ययन गर्न चाहने विद्यार्थीलाई परामर्श दिने परामर्शदाता संस्थाहरूको छाता संगठन हो।
संघले विद्यार्थी र अभिभावकका समस्या समाधान, विचार गोष्ठी, तथा सूचना आदान-प्रदान कार्यक्रम जस्ता विभिन्न गतिविधिहरू गर्दै आइरहेको छ।
यस अधिवेशनले संघलाई अझ व्यवस्थित, सक्षम, र प्रभावकारी बनाउने प्रतिबद्धता व्यक्त गरेको छ।
