काठमाडौँ – शैक्षिक परामर्श संस्थाहरूको साझा छाता संस्था फ्री एजुकेशनल कन्सलटेन्सिज अर्गनाइजेसन नेपाल (FECON) को नयाँ कार्यसमिति चयन भएको छ। संस्थाको नेतृत्वमा नयाँ ऊर्जा र दिशाको संकेत गर्दै श्री उमेश कुश्वार अध्यक्ष पदमा निर्वाचित भएका छन्।

संघको उपाध्यक्षमा श्री छविलाल ओझा र श्री बालकृष्ण बिस्ट (गगन)  निर्वाचित भएका छन् भने महासचिवको जिम्मेवारी श्री दिपेन्द्र पोखरेल ले सम्हाल्ने भएका छन्। सचिव पदमा श्री आरसी केसी र श्री आरके ढकाल चयन भएका छन्। कोषाध्यक्षमा श्री गौतम पुडासैनी र सह-कोषाध्यक्षमा श्रीमती मञ्जु लामिछाने नियुक्त भएका छन्। त्यस्तै, नव-निर्वाचित कार्यसमिति सदस्यहरूमा श्रीमती मन्दिरा सिटौला ज्ञवाली, श्री निराजन रोका, श्री धीरज रायमाझी, श्री निराजन शिवाकोटी, श्री बैकुण्ठ उप्रेती, श्री योगेन्द्र चौहान र श्री रिजन मडै रहेका छन्।

नयाँ कार्यसमितिबाट नेपालको शैक्षिक परामर्श क्षेत्रलाई थप व्यवस्थित, पारदर्शी र अन्तर्राष्ट्रियस्तरमा प्रतिस्पर्धी बनाउने रणनीतिक पहलहरू अघि बढाइने अपेक्षा गरिएको छ। पूर्व अध्यक्ष श्री राजु निरौला लाई कार्यकालभर देखाएको समर्पण र उल्लेखनीय नेतृत्वका लागि धन्यवाद तथा सम्मान व्यक्त गरिएको छ। उहाँको नेतृत्वमा FECON संस्थागत रूपमा थप मजबुत बनेको र व्यावसायिक आचारसंहिता प्रवर्द्धनमा महत्वपूर्ण योगदान पुर्याएको मूल्यांकन गरिएको छ।

नयाँ कार्यसमितिको चयनसँगै, शैक्षिक परामर्श क्षेत्रका सरोकारवालाहरूले नैतिक र उत्तरदायी अभ्यासहरूलाई प्रवर्द्धन गर्दै नेपाली विद्यार्थीको अन्तर्राष्ट्रिय शैक्षिक पहुँच विस्तारमा FECON अझ प्रभावकारी ढंगले अघि बढ्ने आशा व्यक्त गरेका छन्।