काठमाडौं, युनिभर्सिटी अफ इस्ट लन्डन (UEL) को आयोजनामा पार्टनर्स मिट कार्यक्रम काठमाडौंको अरन्या बुटिक होटलमा भव्य रूपमा सम्पन्न भयो। कार्यक्रममा नेपाली शैक्षिक परामर्श क्षेत्रका अग्रणी व्यक्तित्वहरू, युके विश्वविद्यालयका प्रतिनिधिहरू तथा नीतिगत तहका विज्ञहरूको उल्लेखनीय सहभागिता रहेको थियो।
उक्त कार्यक्रमको सफल आयोजनामा SPiE Overseas Nepal को महत्वपूर्ण भूमिका रह्यो। युके शिक्षाको क्षेत्रमा विश्वासिलो नाम बनिसकेको SPiE Overseas Nepal ले कार्यक्रम समन्वय, सहभागी छनोट र विचार विमर्शको दिशा निर्माणमा उल्लेखनीय भूमिका खेलेको हो। SPiE का प्रिन्सिपल सल्लाहकार सुवान्सु उप्रेतीको नेतृत्व र अनुभवले कार्यक्रमलाई नीतिगत र व्यावसायिक दुवै दृष्टिले गहन बनाएको सहभागीहरूको धारणा थियो।
कार्यक्रममा UEL का पावेल बावा (दक्षिण एसिया भर्ना उपप्रमुख), स्टेफेनी वाल्टन (विद्यार्थी भर्ना निर्देशक) र असीम घिमिरे (नेपाल प्रतिनिधि) ले विश्वविद्यालयको तर्फबाट प्रस्तुतिहरू दिएका थिए। उनीहरूले हालै युकेको सरकारले प्रकाशित गरेको श्वेतपत्रको प्रभाव, विद्यार्थीको दीर्घकालीन बसोबास सम्बन्धी धारणा, र त्यसले नेपाली विद्यार्थीको चासोमा पार्ने असरबारे विस्तृत रूपमा जानकारी गराए।
कार्यक्रममा सहभागी परामर्शदाताहरू र विश्वविद्यालय प्रतिनिधिहरूबीच खुला छलफलसमेत गरिएको थियो, जहाँ वैश्विक शिक्षा प्रवृत्ति, साझेदारीको सुदृढीकरण, र विद्यार्थीहरूलाई पारदर्शी तथा नैतिक परामर्श कसरी उपलब्ध गराउने भन्ने विषयमा अनुभव र सल्लाह आदानप्रदान गरिएको थियो।
SPiE Overseas Nepal ले कार्यक्रममा युके-केन्द्रित परामर्शदाताहरूको प्रतिनिधित्व सुनिश्चित गर्दै, गुणस्तरीय सहभागिता, ठोस विषयवस्तु र दीर्घकालीन सहकार्यको वातावरण तयार गर्न मद्दत पुर्याएको थियो। SPiE को पहलले युके विश्वविद्यालयहरू र नेपाली परामर्श क्षेत्रबीचको सम्बन्ध थप मजबुत बनाएको विश्वास गरिएको छ।
कार्यक्रमको समापनमा सहभागीहरूले कार्यक्रमबाट प्राप्त मुख्य सन्देशहरूलाई समेट्दै भविष्यमा अझ सघन सहकार्य गर्न प्रतिबद्धता जनाएका थिए। SPiE Overseas Nepal ले अन्त्यमा UEL का विशिष्ट प्रतिनिधिहरू र सहभागी सम्पूर्ण साझेदारहरूलाई धन्यवाद दिँदै, यस्तो शैक्षिक आदानप्रदान कार्यक्रमले नेपाली विद्यार्थीहरूलाई विश्वस्तरीय शिक्षातर्फ मार्गनिर्देशन गर्न सहयोग पुग्ने विश्वास व्यक्त गर्यो।
SPiE को यो अग्रसरताले संस्थालाई युके शिक्षाको क्षेत्रमा अग्रणी स्थानमा पुनः स्थापित गराएको सहभागीहरूको धारणा रहेको छ।
