– बर्दघाट नगरपालिका वडा न ५ अवस्थित शान्ति निकुन्ज रेवती गौमाता गौतम माध्यमिक बिध्यालयले २०८१ मा SEE परिक्षामा उतिर्ण बिध्यार्थिहरुलाई सम्मान गरेको छ।

बिध्यालयले आयोजना गरेको कार्यक्रमलाई सम्बोधन गर्दै प्रमुख अतिथी बर्दघाट नगरपालिका वडा न ५ कि वडाअध्यक्ष बिमला गुरुङले शिक्षक, ब्यवस्थापन समिती तथा अभिभावक र बिध्यार्थिको मिहिनेतले बिध्यालयको नतिजा सुधार आएको बताउनुभयो। वडाअध्यक्ष गुरुङले दैलोमा भएको बिध्यालयलाई माया गरेर थप शिक्षा पनि यसै बिध्यालयलाई निरन्तरता दिन बिध्यार्थिअहरुलाई आग्रह गर्दै बिध्यालयले गत बर्ष भन्दा पनि राम्रो नतिजा दिन सफल भएको भन्दै नतिजा तथा बिध्यालयको शैक्षिक वातावरण सुधार गरिदिनुभएकोमा प्र अ लगाएत सबैलाई धन्यवाद ब्यक्त गर्नु भयो। कार्यक्रमलाई सम्बोधन गर्दै प्रधानाध्यापक बिनोद खनालले बिध्यार्थिको उज्ज्वल भबिश्यको कामना गर्दै बिध्यालय शैक्षिक सुधारमा शिक्षक, अभिभावक , ब्यवस्थापन समिती तथा बिध्यार्थीले लक्ष्य प्राप्तिको लागि एकजुट भएर अघि बड्नु पर्ने बिचार ब्यक्त गर्नु भयो। प्र अ खनालले बिध्यालयमा योग्य शिक्षक भएका कारण शैक्षिक गुणस्तर सुधारमा नतिजा देखिन सुरु भएकोबताउदै आगामी दिनहरुमा थप प्रगती हुँदै जानेमा सबै बिस्वस्त रहन आग्रह गर्दै उतिर्ण बिध्यार्थिहरुलाई आफ्नो रुचि अनुसारको बिषय चयनमा बिध्यालयले थप मार्गदर्शन गर्ने जानकारी दिनुभयो। उहाले बिध्यालयले गत शैक्षिक सत्र भन्दा गुणस्तरिय नतिजा दिन सफल भएको बताउदै गत बर्ष ३४ प्रतिशत उतिर्ण भएकोमा अहिले ५६.८९ प्रतिशत बिध्यार्थी उतिर्ण गराउन सफल भएको जानकारी दिनुभयो।
कार्यक्रमलाई समापन गर्दै बिध्यालयका ब्यवस्थापन समितिका अध्यक्ष तथा कार्यक्रमका अध्यक्ष दिपक थापाले समाजमा रहेका हरेक ब्यक्तिको निगरानी, खबरदारी, परामर्श तथा शैक्षिक वातावरण तयारगर्न सफल शिक्षक तथा मिहिनेती बिध्यार्थिका कारण बिध्यालय अहिले नतिजा सुधारतर्फ अघि बढेको जनाउदै आगामी दिनमा बिध्यालयले थप शैक्षिक प्रगती गर्दै जानेमा आफू बिस्वस्त रहेको बताउनु भयो।
बिध्यालयका सहायक प्र अ रमेश लम्सालको स्वागत मन्तब्य रहेको कार्यक्रमको सन्चालन शिक्षक शिव शर्माले गर्नुभएको कार्यक्रममा SEE उतिर्ण २२ जना बिध्यार्थिलाई बधाई तथा सम्मान गरिएको थियो भने कार्यक्रमा वडा सदस्य शोभकान्त लामिछाने, बिध्यालय ब्यवस्थापन समितिका पदाधिकारी, अभिभावक, शिक्षक तथा बिध्यार्थिको सहभागितामा कार्यक्रम सम्पन्न भएको थियो।



