काठमाडौं – शैक्षिक परामर्श व्यवसायी संघ, नेपाल (एप्क्यान)को तेस्रो वार्षिक साधारण सभा (AGM) काठमाडौंमा भव्य रूपमा सम्पन्न भएको छ। कार्यक्रममा संगठनको नयाँ नेतृत्व सर्वसम्मत चयन गरिएको छ।

नयाँ कार्यसमितिको अध्यक्षमा अर्जुन कुमार बस्नेत निर्वाचित भएका छन्। निवर्तमान अध्यक्ष प्रज्जवल बस्नेतले संगठनलाई सशक्त बनाउँदै ल्याएका उपलब्धिहरूलाई निरन्तरता दिँदै नयाँ नेतृत्वलाई शुभकामना व्यक्त गरेका छन्।

नवगठित कार्यसमिति यसप्रकार छः
अध्यक्ष: अर्जुन कुमार बस्नेत
निवर्तमान अध्यक्ष: प्रज्जवल बस्नेत
उपाध्यक्ष: दिनेश न्यौपाने, अनिल शर्मा, अमित खड्का
महासचिव: नरेश प्रसाद सेंडाई
सचिव: मदन उप्रेती, सन्तोष बस्नेत
कोषाध्यक्ष: प्रज्वल खत्री
सह-कोषाध्यक्ष: विवेक शिवाकोटी
सदस्य: ज्योती शाही, गिता कुमारी सुवेदी, राजन दाहाल, शेखर पाण्डे, सञ्जिव लुइँटेल, सन्तोष तमाङ्ग

साधारण सभामा परामर्श व्यवसायसँग सम्बन्धित चुनौती, अवसर, र आगामी रणनीतिबारे विस्तृत छलफल गरिएको थियो। नयाँ कार्यसमितिले अघिल्लो कार्यसमितिले सुरु गरेका सकारात्मक पहललाई निरन्तरता दिने र व्यवसायीको हितका लागि थप प्रभावकारी योजना कार्यान्वयन गर्ने प्रतिबद्धता जनाएको छ।

साधारण सभा सफलतापूर्वक सम्पन्न भएकोमा सबै सदस्यलाई धन्यवाद दिँदै संगठनले आगामी दिनमा शिक्षा परामर्श क्षेत्रलाई व्यवस्थित, पारदर्शी र जिम्मेवार बनाउन निरन्तर प्रयास गर्ने जनाएको छ। Photos and News Archive link