काठमाडौं – ओसिस अब्रोड स्टडी सर्भिसेस एण्ड कन्सल्टेन्सीले अस्ट्रेलिया तथा अन्य देशको भिसा प्राप्त गरेका विद्यार्थीलाई विदाई गर्न आयोजना गरेको फेयरवेल कार्यक्रम भव्य रुपमा सम्पन्न भएको छ। शनिबार चावहिलस्थित स्मार्ट प्यालेसमा आयोजित उक्त कार्यक्रममा अस्ट्रेलिया सहित विभिन्न देशतर्फ अध्ययनका लागि जाने विद्यार्थीलाई सम्मानपूर्वक विदाई गरिएको थियो।
कार्यक्रमलाई थप विशेष बनाउन ओसिसले तीजको दर खाने कार्यक्रम समेत आयोजना गरेको थियो, जसले कार्यक्रममा सांस्कृतिक रौनक थप्यो। कार्यक्रममा सहभागी विद्यार्थी, अभिभावक तथा आफन्तले ओसिसको उत्कृष्ट सेवाप्रति खुशी व्यक्त गर्दै धन्यवाद ज्ञापन गरे। प्रतिनिधिसभाको शिक्षा, स्वास्थ्य तथा सूचना प्रविधि समितिका सभापति अम्मर बहादुर थापाको प्रमुख आतिथ्यमा सम्पन्न कार्यक्रममा, ओसिसमार्फत अब्रोड जाने तयारी गरेका विद्यार्थीहरूले बेजोड सांगितिक प्रस्तुति दिएर उपस्थितलाई मनोरञ्जन गराएका थिए।
कार्यक्रममा थप रौनकता भर्न स्टेज किङका रूपमा चर्चित कलाकार दुर्गेश थापाले आफ्नो दमदार प्रस्तुति मार्फत विद्यार्थी, अभिभावक र अतिथिलाई छमछमी नचाउँदै कार्यक्रमलाई अविस्मरणीय बनाएका थिए। कार्यक्रमपछि ओसिसकी इन्टरनेशनल डाइरेक्टर रेश्मा राजथलाले ओसिसले विद्यार्थीलाई सही परामर्श र मार्गदर्शन गर्दै वैदेशिक अध्ययनका लागि सक्षम बनाइरहेको बताइन्। साथै, विभिन्न सामाजिक संघसंस्थाका प्रतिनिधिहरूले ओसिसले धेरै विद्यार्थीको उज्वल भविष्य सुनिश्चित गरेको भन्दै सकारात्मक प्रतिक्रिया व्यक्त गरे। ओसिस काठमाडौं भक्तपुर बसपार्क (रत्नपार्क नजिक बागबजार)मा अवस्थित छ। यहाँबाट अस्ट्रेलिया, बेलायत, अमेरिका, क्यानडा लगायतका देशमा अध्ययन गर्न चाहने विद्यार्थीलाई शैक्षिक परामर्श, पूर्वतयारी कक्षा, डकुमेन्टेशन, र भिसा आवेदनमा सहजीकरण लगायतका सेवा उपलब्ध गराइन्छ। उच्च भिसा सफलता दर भएको ओसिसले विद्यार्थीलाई भिसा प्रक्रियामा ठूलो सहयोग पुर्याउँदै आएको छ।
