काठमाडौं – वैदेशिक अध्ययनका लागि शैक्षिक परामर्श क्षेत्रमा बेग्लै पहिचान बनाएको मेन्टर इन्स्टिच्युटले आफ्नो २३औं वार्षिकोत्सव भव्य रूपमा मनाएको छ, जसले संस्थाको लामो अनुभव, गुणस्तर र विद्यार्थीमैत्री सेवाको प्रमाण प्रस्तुत गरेको छ। उक्त कार्यक्रममा फेडरेशन अफ एजुकेशनल कन्सल्टेन्सी इन्ट्रप्रिनर्स नेपाल (FECE-Nepal) का अध्यक्ष राजेन्द्र बराल, एजुकेशनल कन्सल्टेन्सी एसोसिएसन अफ नेपाल (ECAN) का अध्यक्ष सेशराज भट्टराई, NAAER पूर्व अध्यक्ष बिज्ञान श्रेष्ठ, तथा IERIN का महासचिव योगेश क्षेत्री लगायतका विशिष्ट व्यक्तित्व र सरोकारवालाको उपस्थिति थियो।
कार्यक्रममा मेन्टर इन्स्टिच्युटका प्रबन्ध निर्देशक हेमन्त भट्टराईले विगत २३ वर्षको यात्रामा साथ दिने विद्यार्थी, अभिभावक, कर्मचारी, साझेदार कलेज/विश्वविद्यालय र शुभेच्छुकप्रति हार्दिक धन्यवाद व्यक्त गर्दै भने, “२३ वर्षको लामो यात्रामा धेरै चुनौतीहरू आए तर विद्यार्थीलाई भरपर्दो, गुणस्तरीय र करिअरमुखी परामर्श दिने हाम्रो प्रतिबद्धताका कारण आज हामी यो उचाइमा पुगेका छौं। विद्यार्थी र अभिभावकको भरोसा नै हाम्रो सफलताकाे आधार हो।” भट्टराईले मेन्टरले भविष्यमा अझ धेरै विद्यार्थीलाई अन्तर्राष्ट्रिय करिअर अवसरसँग जोड्ने र अझ उत्कृष्ट तथा विद्यार्थीमैत्री सेवाहरू प्रदान गर्ने प्रतिबद्धता दोहोर्याए।
मेन्टर इन्स्टिच्युटले विशेष गरी अष्ट्रेलिया, अमेरिका, क्यानडा, बेलायत, न्युजिल्याण्डलगायतका देशमा अध्ययन गर्न चाहने विद्यार्थीलाई शैक्षिक परामर्श, तयारी कक्षा, डकुमेन्टेशन र भिसा आवेदनमा सहजीकरण जस्ता सेवा प्रदान गर्दै आएको छ। नयाँ बानेश्वरस्थित केन्द्रीय कार्यालयसहित पुतलीसडक, भैरहवा, धरान र बुटवल शाखाबाट सेवा प्रदान गर्दै आएको मेन्टरले २३ वर्षे अनुभवसहित अझ उज्ज्वल भविष्यका लागि आफ्नो योगदान जारी राख्ने लक्ष्य राखेको छ।