काठमाडौं – ईडीआई ग्लोबल एजुकेशनले अस्ट्रेलियामा अध्ययन गर्न चाहने विद्यार्थीलाई लक्षित गरी आयोजना गरेको इन्फर्मेशन सेसन भव्य रूपमा सम्पन्न गरेको छ। कार्यक्रममा विद्यार्थी, अभिभावक तथा अस्ट्रेलियाका प्रतिष्ठित शैक्षिक संस्थाका प्रतिनिधिहरूको सहभागिता रह्यो। यस कार्यक्रमको उद्देश्य विद्यार्थीलाई उच्च शिक्षा अध्ययनका लागि अस्ट्रेलियामा उपलब्ध अवसर, पाठ्यक्रम, छात्रवृत्ति र भिसा प्रक्रियाबारे प्रत्यक्ष जानकारी प्रदान गर्नु थियो।

कार्यक्रममा Education Centre of Australia (ECA), Kaplan Business School, National Academy of Professional Studies (NAPS) र Canterbury Institute of Management (CIM)का प्रतिनिधिहरूले विद्यार्थीलाई आफ्नो कार्यक्रम, विश्वविद्यालयको स्थान, रोजगारी अवसर तथा करिअर सम्भावनाबारे महत्वपूर्ण जानकारी दिएका थिए।

ECA का कन्ट्री सेल्स म्यानेजर अभिषेक थपलिया र CIM Education Group का नेपालका कन्ट्री म्यानेजर किरण खनाललगायतका प्रतिनिधिहरूले आफ्नो शैक्षिक कार्यक्रमबारे विस्तृत जानकारी प्रस्तुत गरे।

ईडीआई ग्लोबल एजुकेशनकी सिनियर काउन्सलर मनीषा पोखरेल र काउन्सलर महेश मैनालीले विश्वविद्यालयका प्रतिनिधिहरूलाई धन्यवाद दिँदै विद्यार्थीलाई ईडीआई कार्यालयमा भ्रमण गरी थप परामर्श र आवेदन प्रक्रिया अघि बढाउन निम्तो दिएका थिए।

 इडीआई ग्लोबल एजुकेसन काठमाडौंकी ब्रान्च मेनेजर जयन्ती चालिसेले सहभागी सबैलाई धन्यवाद दिँदै कार्यक्रमलाई सफल बनाउन सहयोग पुर्‍याउने सबैलाई कृतज्ञता व्यक्त गरिन्। उनले भनिन्,
“विद्यार्थीलाई सही जानकारी र मार्गदर्शन प्रदान गर्ने हाम्रो प्रयास यस कार्यक्रममार्फत सार्थक बनेको छ।”

ईडीआई ग्लोबल एजुकेशन नेटवर्कले अस्ट्रेलिया, क्यानडा, अमेरिका, बेलायत लगायतका देशहरूमा अध्ययन गर्न इच्छुक विद्यार्थीलाई शैक्षिक परामर्श, भाषा तयारी कक्षा, आवेदन सहयोग, डकुमेन्टेशन र भिसा प्रक्रियामा सहजता प्रदान गर्दै आएको छ।

ईडीआईले आफ्नो मूल मूल्य Ethics, Discipline, Integrity (नैतिकता, अनुशासन र इमान्दारी)मा आधारित रहँदै विद्यार्थीलाई विश्वव्यापी करिअर अवसरसँग जोड्ने प्रतिबद्धता जनाएको छ।