सुनवल/ कार्तिक १४ /सागर पौडेल
करिब डेढ बर्षको निरन्तर पहल र प्रयास पछि अन्तत: पश्चिम् नवलपरासीको सुनवल नगरपालिकामा दमकल भित्रीएको छ ।
युनाइटेड मिसन नेपाल र स्वयंसेवी कोर्प्स नेपालको पहल जापानको ग्रासरुट ह्युमन सेक्युरिटी प्रोजेक्ट्सको अनुदान सहयोगमा सुनवल नगरपालिकाले ल्याएको दमकल लाई आज एक कार्यक्रम बिच मेयर बिमला अर्यालले दमकलको पुजा आराधाना गरि शुभारम्भ गर्नु भएको हो ।
३ लाख डलरमा ५ हजार लिटर क्षमता भएको दमकल भित्रीए पछि नगरमा हुने आगलागी तथा अन्य आकस्मिक घटनामा तत्काल नियन्त्रण र विपद व्यवस्थापनमा राहत पुग्नुका साथै नगर भित्र निशुल्क दमकल उपलब्ध गराउने नगर प्रमुख बिमला अर्यालले बताउनु भयो ।
दमकल नगरमा भित्रीए पनि नगरपालिकाद्वारा उचित ब्यावस्थापन सहित सञ्चालनमां आऊला कि नआउला भोली को समयले बताऊला भन्ने आशय केही स्थानियले व्यक्त गरेका छन ।
लामो समयदेखि दमकल नहुँदा आगलागीको समस्या झेल्दै र पटक पटक गत बर्श पालिकाले ख़रीद गरेको स्कॉर्पीयो गाड़ीलाई लिएर आलोचना सहदै आएको सुनवल नगरपालिकाले अब भने नगरवासी बीच बिश्वास क़ायम राख़्न सफल भएको समेत स्थानीयले प्रतिक्रिया दिएका छन । सुनवल संगै नवलपरासीको प्रतापपुर गाऊ पालिकाले समेत सोही क्षमताको दमकल प्राप्त गरेको छ ।
