काठमाडौं, नयाँ बानेश्वरस्थित रोजेटा एजुकेशन इन्टरनेसनलको कार्यालय परिसरमा आइतबार “स्टडी इन अस्ट्रेलिया – मिट विथ एक्सपर्ट्स” कार्यक्रम सम्पन्न भएको छ। उक्त अन्तरक्रियात्मक कार्यक्रममा अस्ट्रेलियामा अध्ययन गर्न इच्छुक विद्यार्थीहरूका लागि प्रत्यक्ष जानकारी, मार्गदर्शन, र अध्ययन तथा करियर अवसरबारे विस्तृत चर्चा गरिएको थियो।

कार्यक्रममा अस्ट्रेलियाको प्रतिष्ठित स्ट्यान्ली कलेज (Stanley College) का दुई प्रमुख प्रतिनिधिहरू मिच पेराडेला (Head of Student Recruitment – Africa, Asia, Subcontinent & Eastern States) र सुजन बस्नेत (Admission Manager) उपस्थित हुनु भएको थियो। उहाँहरूले अस्ट्रेलियाको शिक्षा प्रणाली, उपलब्ध शैक्षिक कार्यक्रमहरू, विद्यार्थी सहयोग सेवा, तथा अध्ययनपश्चातका अवसरबारे महत्वपूर्ण जानकारीहरू प्रदान गर्नुभयो।

विद्यार्थीहरूलाई सो अवसरमा उपस्थित पाहुनाहरूसँग प्रत्यक्ष संवाद गर्ने, भर्ना प्रक्रिया, भिसा प्रणाली, र छात्रवृत्ति विकल्पहरूबारे जिज्ञासा समाधान गर्ने तथा अस्ट्रेलियामा शैक्षिक सफलताका बाटोहरूबारे बुझ्ने अवसर प्राप्त भयो।

कार्यक्रमबारे बोल्दै रोजेटा एजुकेशनका अध्यक्ष श्री प्रविन पौडेल ले कार्यक्रमको सफल सम्पन्नताप्रति खुशी व्यक्त गर्नुभयो। उहाँले यस किसिमका अन्तरक्रियात्मक कार्यक्रमहरूले विद्यार्थीहरू र अन्तर्राष्ट्रिय शैक्षिक संस्थाहरूमाझ सम्बन्ध सुदृढ गर्न महत्वपूर्ण भूमिका खेल्ने बताउनुभयो।

“हामी नेपाली विद्यार्थीहरूलाई विश्वसनीय परामर्श र सही जानकारी प्रदान गरेर उनीहरूको अन्तर्राष्ट्रिय अध्ययन सपना साकार पार्न निरन्तर प्रतिबद्ध छौं,” अध्यक्ष पौडेलले भन्नुभयो।

कार्यक्रमको अन्त्यमा खुला नेटवर्किङ सेसन गरिएको थियो, जहाँ विद्यार्थी र अभिभावकहरूले पाहुनाहरू तथा रोजेटा एजुकेशनका काउन्सिलरहरूसँग व्यक्तिगत परामर्शका लागि छलफल गर्ने अवसर पाए।

रोजेटा एजुकेशन इन्टरनेसनल लामो समयदेखि अस्ट्रेलिया, बेलायत, क्यानडा लगायतका देशहरूमा अध्ययन गर्न इच्छुक विद्यार्थीहरूका लागि परामर्श, आवेदन सहयोग, र मार्गदर्शन प्रदान गर्दै आएको नेपालको विश्वसनीय शैक्षिक संस्था हो।