माछापुच्छ्रे वर्ल्ड स्कुलमा कक्षा ७ का विद्यार्थीहरूले प्रस्तुत गरेको प्रसिद्ध नाटक ‘The Wizard of Oz’ भव्य रूपमा सम्पन्न भएको छ। नोभेम्बर १४, बेलुका ४:०० बजे विद्यालय परिसरमा आयोजित उक्त प्रस्तुतीले विद्यार्थीहरूको सर्जनशीलता, आत्मविश्वास र टीमवर्कलाई प्रभावकारी रूपमा अभिव्यक्त गर्यो।
कार्यक्रमको सुरुवातमा विद्यालयका Outreach Manager आकास यादवले स्वागत मन्तव्य राख्दै विद्यार्थीहरूको सर्वांगीण विकासमा अभिनयकला तथा सह–पाठ्यक्रम गतिविधिको भूमिका महत्वपूर्ण रहेको उल्लेख गरे।
कार्यक्रममा विशेष अतिथि विवेक न्यौपानेले नाटक र थियटरको महत्त्वबारे उपयोगी टिप्स तथा प्रोत्साहनपरक विचारहरू साझा गरे। उनले विद्यार्थीहरूलाई नाटकलाई आत्म–अभिव्यक्तिको माध्यम र जीवन सीप सिक्ने उत्कृष्ट क्षेत्रको रूपमा अपनाउन प्रेरित गरे।
विद्यालयका प्रिन्सिपल होमनाथ आचार्यले नाटक सफल बनाउन योगदान पुर्याउने विद्यार्थी, अभिभावक, शिक्षक तथा उपस्थित अतिथिहरूप्रति हार्दिक धन्यवाद व्यक्त गरे। उनले कक्षा ७ का विद्यार्थीहरूको मेहनत, प्रतिभा र शिक्षकहरूको मार्गदर्शनको प्रशंसा गरे।
यसैक्रममा विद्यालयका HOD Leader रविन्द्र घिमिरेले नाटकको तयारीदेखि प्रदर्शनसम्म सहयोग गर्ने सम्पूर्ण समर्थक, शिक्षक, प्राविधिक टोली, अभिभावक र स्वयंसेवकहरूलाई विशेष धन्यवाद दिए। उनले सामूहिक प्रयासकै कारण The Wizard of Oz सफलतापूर्वक मञ्चन भएको बताए।
कार्यक्रम विद्यार्थी, अभिभावक र विद्यालय समुदायको उत्साहजनक प्रतिक्रिया सहित सम्पन्न भयो।