सुनवल / सुनवल नगरपालिका भित्रका ४७८ घरधुरीलाई ३ तह सुधारिएको चुल्हो वितरण गरिएको छ ।
सुनवल नगरपालिकाको समन्वयमा बैकल्पिक उर्जा प्रबर्दन कार्यक्रम अन्र्तगत सुनवल नगर भित्रका उक्त घर परिवारलाई सुधारिएको चुल्हो बितरण गरिएको हो ।
हरित जलबायु कोष नेपालको सहयोगमा बैकल्पिक उर्जा प्रबर्दन केन्द्रबाट संचालित स्वच्छ चुलो कार्यक्रम अन्तर्गत सुनवल नगरपालिकाद्वारा प्रकासित सूचनाका आधारमा माग निवेदन दिएका जम्मा ४७८ घरधुरी लाई प्रति घरधुरी १ थान सुधारीएको वायुपंखी चुलो वितरण गरिएको मेयर बिमला अर्यालले जानकारी दिनु भएको छ ।
सुनवल नगरको वडा नं १ देखि १३ वडा सम्म क्रमसः १८ थान ,४२ थान, ४५ थान , ३१ थान, ९ थान, २९ थान,२६ थान ,९० थान ,६६ थान ,९४ थान , ४ थान , ४ थान र वडानं १३ लाई १० थान गरि जम्मा ४७८ थान चुलो वितरण गरिएको हो ।
३ तह सुधार गरिएको यो वायुपखीं चुलो ८० प्रतिसत बैकल्पिक उर्जा प्रबर्दन कार्यक्रम १५ प्रतिसत सुनवल नगरपालीका र ५ प्रतिसत रकम मात्र उपभोक्ताले तिर्र्ने गरि वितरण गरिएको योजनाशाखा प्रमुख पुरुषोत्तम ढकालले वताउनु भयो ।
नगरपालिकाले जारी गरेको सूचनाका आधारमा माग भएका निवेदनवाला घरधुरीलाई वितरण गरिएको यो चुल्हो माग गर्न चाहने सवै वडाका घरधुरीहरुले नगरपालकामा निवेदन दिन सक्ने नगरपालिकाले जनाएको छ ।
