सुनवल । लुम्बिनी वाङ्ममय प्रतिष्ठान जिल्ला कार्य समिति नवलपरासी (ब.सु.प.) को अध्यक्षमा अर्जुन कुमार पाण्डेय चयन हुनु भएको छ। आज सम्पन्न संस्थाको दोस्रो साधारण सभा तथा अधिवेशनबाट पाण्डेयको अध्यक्षतामा ११ सदस्यीय नयाँ कार्य समिति गठन भएको हो ।
नवगठित कार्य समितिको उपाध्यक्षमा तिलक भट्टराई अन्जान , सचिवमा प्रेमबहादुर भुजेल, सह सचिवमा पुराण गुरुङ ,कोषाध्यक्षमा एकनारायण तिमिल्सिना र सदस्यहरूमा क्रमशः काशिराम निर्दोष,सरस्वती तिवारी ,इन्दु पाण्डेय,सुस्मिता चौधरी र तुल्सीराम पाण्डेय रहनु भएको छ ।
प्रतिष्ठानका संस्थापक कोषाध्यक्ष एवम् सल्लाहकार डा . श्यामप्रसाद न्यौपानेको प्रमुख आतिथ्य, लुम्बिनी वाङ्मय प्रतिष्ठान नेपालका केन्द्रीय अध्यक्ष ऋषि आजादको विशिष्ट आातिथ्य , लुम्बिनी वाङ्मय प्रतिष्ठान नेपालका केन्द्रीय कोषाध्यक्ष लक्ष्मण ज्ञवाली र नवलपरासी भाषा साहित्य सङ्घका अध्यक्ष नेत्रलाल न्यौपानेको विशेष आतिथ्यमा भएको कार्यक्रमको सञ्चालन प्रतिष्ठानका सचिव मदन विष्टले गर्नु भएको थियो ।
कार्यक्रमको उद्घाटन सत्रमा उपस्थित साहित्य सर्जकहरूले अा आफ्ना रचना वाचन गर्नुभएको थियो।
