कृष्ण थापा,सुनवल । पछिल्लो समय घर,परिवार, विद्यालय,सार्वजनिक स्थलहरुमा दिनहु किशोरी तथा छात्राहरु माथि विभिन्न किसिमका दुव्र्यवहारका घटनाहरु सार्वजनिक भईरहन्छन् । यस किसिमका घटनाहरुले किशोरी तथा छात्राहरु असुरक्षित भएको इंकित गर्छ । यस क्रममा किशोरी तथा छात्राहरु माथि हुने विभिन्न दुवर््यवहारको अन्त्य गर्ने उदेश्यले पश्चिम नवलपरासीको सुनवल वडा नम्बर ३ मा किशोरीका लागि आत्म रक्षा तालिम सञ्चालन गरिएको छ ।
सुनवल वडा नम्बर ३ वडा बाल सञ्जालको आयोजना तथा सुनवल वडा नम्बर ३ वडा कार्यलयको सहयोगमा उक्त कार्यक्रम सम्पन्न भएको हो । वडा बाल सञ्जालका अध्यक्ष कृष्ण थापाको अध्यक्षता तथा वडा नम्बर ३ का वडा अध्यक्ष पविन गुरुङको प्रमुख आतिथ्यतामा सम्पन्न कार्यक्रममा प्रमुख अतिथि गुरुङले किशोरीहरु माथि हुने दुव्र्यवहारलाई अन्त्य गर्न जरुरी रहेको बताउनुभएको थियो । आगामी दिनमा यस किसिमका कार्यक्रम थप आवश्यक परेमा वडा कार्यालयले सहयोग गर्ने बताउनुभयो ।
कार्यक्रममा नगर बाल सञ्जालकी सदस्य लक्की घर्तीको टोलिले किशोरी माथि शारीरिक रुपमा गलत नियतले छुने वा छुन खोज्ने, विभिन्न यौनजन्य दुव्यवहार गर्ने वा गर्ने प्रयास गर्ने तथा बलात्कार गर्ने प्रयास जस्ता विभिन्न दुव्र्यवहारबाट बच्नको लागि आत्मरक्षा तालिम दिएको थियो ।
तालिममा वडाका ४० जना किशोरिहरुको उपस्थिती रहेको थियो। कार्यक्रममा कार्यपालिका सदस्य भूमिकला शर्मा, वडा सदस्य श्याम गुरुङ, वडा सदस्य लक्ष्मी परियार, बालमैत्री स्वयंसेवक शान्ती श्रिस र आमा समुहका सचिव तथा सदस्यहरुको समेत सहभागिता रहेको थियो ।
