परासी । किशोरी सशक्तिकरणका लागि प्रतापपुर गाउपालिका अन्र्तगतका सामुदायिक विद्यालयहरुमा अभिमुखिकरण आत्मरक्षा तालिम सञ्चालन गरिएको छ । इन्द्रेणी सामाजिक बिकाश मञ्च, नवलपरासीको आयोजना तथा यूनाईटेड मिसन टु नेपालको सहयोगमा एक दिने अभिमुखिकरण आत्मरक्षा तालिम सञ्चालन गरिएको हो ।
गाउपालिकाका गणेश माध्यमिक बिद्यालय, जगरनाथपुर ,मदरसा मदिन्तुल ओलुम,हरपुर , त्रिभुवन उच्च माध्यमिक बिद्यालय, बेलाटारी, महेन्द्र माध्यमिक बिद्यालय, सोमनीमा अध्ययनरत कक्षा ६ देखि १२ सम्मका किशोरीहरु तलिमममा सहभागि छन् । सो तालिमको गल्स किक संस्थाका निरज न्यौपानेले सहजीकरण गर्नूभएको थियो ।
केएनएचको आर्थिक सहयोगमा युएमएन इन्द्रेणी सामाजिक बिकास मंच तथा प्रतापपुर गाउँपालिकाको सहकार्यमा गाउँपालिकामा बिगत ९ महिना अघिबाट बालअधिकार परियोजना संचालन भईरहेको छ ।
यसै परियोजना अन्तर्गत समुदाय तथा धार्मिक बिद्यालयको २०० जना किसोरीहरुलाइ बालसंरक्षणको सबाल जस्तै हिंसा , दुव्र्यवहार ,यौन शोषण , तथा अवहेलना जस्ता कुरीतिबाट कसरी बच्न सकिन्छ भन्ने उदेश्यलाइ केन्द्रित गरि आत्मरक्षा तालिम संचालन गरेको छ ।
तालिम पश्चात किशोरीहरुले यस बिषयमा सैद्धानतिक साथै प्राबिधिक सिप पनि हासिल गरेका छन् ।
सो अवसरमा विद्यालयका प्रधानाध्यापकहरुले पछिल्लो समय दुव्र्यवहार बढ्दै गएको अवस्थामा किशोरीहरु आफ्नो सुरक्षा आफै गर्न सक्षम बताउन यस्तो तालिम सवै किशोरीहरुलाई आवश्यक रहेको बताउनुभएको थियो ।
प्रतापुर गाउँपालिकाको आयोजनामा यूनाईटेड मिसन टु नेपाल तथा ईन्द्रेणी सामाजिक बिकाश मञ्चको प्राबिधीक सहयोगमा प्रतापपुर गाउँपालिकाको बालबालिका सम्बन्धि नीति निर्देशिका सम्बन्धि कार्यशाला गरी नीति तथा निर्देशिकाको सम्बन्धि छलफलगरी अन्तिम दस्ताबेज तयारीको लागी बालबालिकाको अधिकार सुनिश्चित गर्ने उदेश्यले पहिलो चरणको उल्लेखनिय कामको सुरुवात गरेको छ ।
गाउँपालिकालाई बालमैत्री पालिका बनाउनको लागी एक दिने बालमैत्री स्थानिय सासन सम्बन्धि अधिमुखिकरण कार्यक्रम पनि यसै साथ संचालन गरेको छ ।
