१० कात्तिक । पाल्पामा करिव चार सय जनामा डेंगु संक्रमण पुष्टि भएको छ । स्वास्थ्य कार्यालय पाल्पाका अनुसार गत जनवरीदेखि हालसम्म ३९९ जनामा संक्रमण पुष्टि भएको हो । संक्रमितमध्ये २४१ जना जिल्ला भित्रका र अन्य संक्रमित उपचारका लागि जिल्ला बाहिरबाट आएका नागरिक रहेको पाइएको छ ।
जिल्लाका विभिन्न स्थानीय तहहरु र तानसेनस्थित युनाइटेड मिसन अस्पताल, लुम्बिनी मेडिकल कलेजमा उपचारका लागि आउने बाहिरी जिल्लाका नागरिकमासमेत संक्रमण देखिएको स्वास्थ्य कार्यालय पाल्पाका सूचना अधिकारी मधुसुधन भट्टराईले जानकारी दिए ।
परीक्षणको दायरा वृद्धि भएको र धेरै पानी परेका कारण लामखुट्टेको वृद्धिविकासमा टेवा पुग्ने हुँदा संक्रमण फैलिएको हो । गत वर्ष जिल्लामा कुल ६५५ जनामा संक्रमण पुष्टि भएको थियो ।
