प्रधानमन्त्री पुष्पकमल दाहाल प्रचण्ड आज सरकारी निवास बालुवाटार सर्ने तयारी गर्नुभएको छ । निवर्तमान प्रधानमन्त्री शेरबहादुर देउवाले बुधबार बालुवाटार छोडेर धुम्बाराही सरेपछि प्रचण्डले सर्ने तयारी गर्नुभएको हो । प्रचण्डको परिवारबाट आफूलाई बालुवाटार प्रवेशको साइत जुराउन आग्रह भए बमोजिम साँझ पाँच बजेको समय तय भएको ज्योतिषी टीकाराम घिमिरेले बताउनुभयो । उहाँले यसअघि निवर्तमान प्रधानमन्त्री शेरबहादुर देउवाका लागि पनि ज्योतिषी भएर उहाँले काम गरिसक्नुभएको छ । प्रचण्ड सचिवालय स्रोतका अनुसार बालुवाटारमा बुधबार साँझ सर्ने तयारी छ ।