नेपाल शैक्षिक परामर्श संघ (इक्यान) द्वारा आयोजित १७औं वार्षिक पिकनिक भव्य रूपमा सम्पन्न भएको छ। शनिबार भक्तपुरको फरट्यून रिसोर्ट, साँगा मा सम्पन्न उक्त कार्यक्रममा इक्यानका सदस्य, शैक्षिक परामर्शदाताहरू, तथा विभिन्न क्षेत्रका विशिष्ट व्यक्तित्वहरूको उल्लेखनीय उपस्थिति रहेको थियो।

कार्यक्रमको स्वागत मन्तव्य इक्यानका महासचिव दीपक भुषालले व्यक्त गरेका थिए। उनले इक्यानको निरन्तर प्रगति, शैक्षिक परामर्श व्यवसायमा यसको भूमिका तथा आगामी योजनाबारे प्रकाश पारे। कार्यक्रममा इक्यानका अध्यक्ष शेषराज भट्टराईले समापन मन्तव्य व्यक्त गर्दै सहभागीहरू, आयोजक समिति तथा प्रायोजकहरूलाई धन्यवाद ज्ञापन गरे। उनले इक्यानले आगामी दिनमा यस्तै रचनात्मक तथा उत्साहजनक कार्यक्रमहरू गर्दै जाने प्रतिबद्धता व्यक्त गरे।

यस वर्षको पिकनिक कार्यक्रममा मनोरञ्जनका विविध प्रस्तुतिहरू समावेश गरिएको थियो। लोकप्रिय हास्य कलाकार मनोज गजुरेल ले आफ्नो प्रस्तुतिबाट उपस्थित सबैलाई हँसाए। चर्चित गायक धिरज राई ले आफ्ना लोकप्रिय गीतहरू गाएर माहोललाई संगीतमय बनाए। जादु प्रस्तुति विशेष आकर्षण बन्यो, जसले सहभागीहरूलाई आश्चर्यचकित बनायो।

कार्यक्रमलाई सफल बनाउन विभिन्न संस्थाहरूले सहयोग गरेका थिए। प्रमुख प्रायोजकहरूमा ApplyGlobal, Bradford Global, Enrollment Advisory Group (EAG) Global Solutions, Southeast Missouri State University, Shangrila Resort, CityPay, University of Worcester, Inuni, SBI Remit, SHEA (Skyline Higher Education Australia), SevenStar International Travels & Tours, East Bridge (EB), Nepal Lab House (NLH), Nozomi Polyclinic, JLCT (Japanese Language Capability Test), British Council – IELTS लगायतका संस्थाहरू रहेका थिए।

कार्यक्रम बिहान ९ बजेबाट सुरु भएको थियो र दिनभरि रमाइलो माहोलमा सम्पन्न भएको थियो। सहभागीहरूले मनोरञ्जनात्मक प्रस्तुतिहरूको मज्जा लिँदै आपसी नेटवर्किङ र अनुभव आदानप्रदान गर्ने अवसर प्राप्त गरेका थिए। इक्यानले आगामी दिनमा यस्तै कार्यक्रमहरू आयोजना गर्दै जाने प्रतिबद्धता व्यक्त गरेको छ। ECA विभाग प्रमुख गोविन्द खनालले ईक्यान पिकनिकको औपचारिक कार्यक्रम सञ्चालन गर्नु भएको थियो।