सुनवल/चैत्र २६
सुनवल नगरपालिकाले चालू आर्थिक वर्षको स्वीकृत वार्षिक कार्यक्रम कार्यान्वयन गर्दै समुदायमा सिप सहितको सामग्री हस्तान्तरण गरेको छ ।
नगरपालिकाले पहिलो चरणमा सुनवल–४, बेलारीका बित्तीय साक्षरतामा सहभागी भएका व्यक्तिहरूलाई लक्षित गर्दैसिपमूलक तालिम तथा सामग्री हस्तान्तरण गरेको हो ।
तालीममा सहभागीहरूलाई दुना–टपरी बनाउने प्रशिक्षण दिई सो कार्यमा प्रयोग हुने आवश्यक मेसिनहरू समेत हस्तान्तरण गरिएको छ जसबाट सहभागीहरू आत्मनिर्भर बनाउने विश्वास लिएको रोज़गार संयोजक कृष्ण ढकालले बताए ।
नगरपालिकाले दोस्रो चरणमा सुनवल वडा न ११, केरवानीका सहभागीहरूलाई मौरी पालन तालिम समेत प्रदान गरेको छ। तालिम पश्चात सहभागिहरूलाई मौरी सहितको मौरी घार वितरण गरिएको नगरपालिकाले जनाएको छ ।
तालीम सहितको माहुरी घारबाट सहभागीलाई दीर्घकालीन आम्दानीको माध्यम बन्ने नगरपालिका को अपेक्षा छ।
समापन कार्यक्रममा नगर प्रमुख विमला अर्यालको प्रमुख आतिथ्यता, उपप्रमुख सूर्य प्रसाद दुबेको बिशेष आतिथ्यतामा संपन्न भएको थियो भने कार्यक्रम मा वडा अध्यक्ष बालकृष्ण पंगेनी, कार्यपालिका सदस्य सीता भण्डारी, प्रमुखप्रशासकीय अधिकृत शेषकान्त पौडेल, वडा सदस्यहरू तथा रोजगार सेवा केन्द्रका कर्मचारीहरूको उपस्थिति रहेकोथियो।
स्थानीय तहमा सिप विकास, स्वरोजगार प्रवर्द्धन र आर्थिक सशक्तिकरण गर्ने उद्देश्यका साथ तालीम पश्चात सामग्री हस्तान्तरणको कार्यक्रमलाई प्राथमिकता दिदै आएको सुनवल नगरपालिकाले जनाएको छ।
