काठमाडौं, युनिभर्सिटी अफ ल बिजनेस स्कुल (ULBS) ले ग्लोबल युनिभर्सिटी सिस्टम्स (GUS) सँगको सहकार्यमा ‘ULaw Engage Forum’ कार्यक्रम सफलतापूर्वक काठमाडौंमा सम्पन्न गरेको छ।
उक्त कार्यक्रममा ULBS का निर्देशक डा. एन्द्रेस पेरेज रुइजले नेतृत्वदायी मास्टरक्लास प्रदान गरेका थिए। उनको २० वर्षभन्दा बढीको अन्तर्राष्ट्रिय अनुभवले भरिएको सेसनले विद्यार्थी, शैक्षिक परामर्शदाता, तथा शैक्षिक संस्थानहरूसँग प्रत्यक्ष अन्तर्क्रिया गर्दै यु-ल बिजनेस स्कुलको व्यावहारिक र वास्तविक संसारमा आधारित शिक्षण पद्धतिबारे प्रकाश पारेको थियो।
“हामीले विद्यार्थीहरूलाई विश्वव्यापी स्तरमा सक्षम बनाउने खालको पाठ्यक्रम प्रदान गर्छौं। सैद्धान्तिक ज्ञानसँगै व्यवहारिक सीपलाई जोड दिइन्छ,” डा. रुइजले बताए।
कार्यक्रममा यु-ल अथको प्रतिष्ठा र उपलब्धिहरू पनि विशेष रूपमा प्रस्तुत गरियो। यु-ल बिजनेस स्कुल हाल युकेको सबैभन्दा ठूलो कानुनी शिक्षाको प्रदायक संस्था हो, जसलाई QS 5-Star Rated मान्यता प्राप्त छ। साथै, यो विश्वविद्यालय युकेका शीर्ष १०० कानुनी फर्ममध्ये ९१ सँग साझेदारीमा रहेको छ। विश्वविद्यालयलाई TEF Overall Silver 2023 र National Student Survey 2024 अनुसार युकेमा उत्कृष्ट १० शिक्षण संस्थामध्ये सूचीकृत गरिएको छ।
कार्यक्रममा अन्तर्राष्ट्रिय कार्यकारी निर्देशक तथा BUILA उपाध्यक्ष मिस उला ट्याङ–प्लोम्यानले ULaw को अन्तर्राष्ट्रिय पहुँच र विद्यार्थी गतिशीलतामा समर्पणबारे चर्चा गर्दै भनिन्, “दक्षिण एशिया जस्ता बजारहरूमा ULaw निरन्तर लगानी गरिरहेछ, किनकि यहाँका विद्यार्थीहरूमा अपार सम्भावना छ।”
GUS का ग्लोबल डाइरेक्टर अफ स्टुडेन्ट रिक्रुटमेन्ट दीपांश सिंगलाले नेपालप्रति GUS को प्रतिबद्धता प्रकट गर्दै भने, “नेपाल प्रतिभा र संकल्पको केन्द्र हो। यस्ता फोरमहरू हाम्रो दीर्घकालीन रणनीतिक लक्ष्य अनुरूप आयोजित गरिएका हुन्।”
ULaw का दक्षिण एशिया क्षेत्रका निर्देशक राजु पौडेलले नेपालका विद्यार्थीहरूबीच युके शिक्षाको बढ्दो लोकप्रियताबारे जानकारी दिँदै भने, “नेपालका विद्यार्थीहरू अहिले युकेको उच्च गुणस्तरको डिग्रीप्रति निकै आकर्षित छन्। ULaw ले व्यावसायिकता र करियर फोकसलाई ध्यानमा राखेर तयार पारिएका कार्यक्रमहरू उपलब्ध गराउँछ।”
नेपालका लागि ULaw का बिजनेस डेभलपमेन्ट म्यानेजर अंकित ढकालले थपे, “यस्ता कार्यक्रमहरूले विद्यार्थी र साझेदारहरूसँग सीधा संवादको अवसर दिन्छ। हामी नेपालमा अझ बढी उपस्थिति विस्तार गर्न तत्पर छौं।”
मास्टरक्लासपछि साँझमा आयोजित नेटवर्किङ्ग सेसनमा शिक्षा क्षेत्रका अभिकर्ता, संस्थागत साझेदार तथा विभिन्न संघसंस्थाका प्रतिनिधिहरूले ULaw को नेतृत्व टोलीसँग अन्तरक्रिया गर्दै सम्भावित सहकार्यको अवसरबारे छलफल गरे।
यस कार्यक्रमले यु-ल अथको नेपालमा बढ्दो संलग्नता, शैक्षिक गुणस्तरमा प्रतिबद्धता र अन्तर्राष्ट्रिय विद्यार्थीहरूका लागि अझ आकर्षक गन्तव्य बनाउने योजनालाई थप सुदृढ बनाएको आयोजकले जनाएका छन्।
