सुनवल । आफ्नै स्कुल बसमा ठोकिएर एक विद्यार्थीको मृत्यु भएको छ । मृत्यु हुनेमा सुनवल नगरपालिका– ४ हडाहा बस्ने ४ बर्षिय सुभम कोहाँर रहेका छन ।
सुनवल नगरपालिकास्थित द पाइनियर सेकेण्डरी इङ्लिस बोडिङ् स्कुलमा एलकेजीमा अध्ययनरत सुभम कोहाँरको स्कुल छुट्टीपछि घर पुर्याउन गएको बसमा ठोकिएर मृत्यु भएको हो ।
पैसा हातमा लिएर बसबाट ओर्लिएका उनी दक्षिणतर्फ रहेको घर नगई दौडिएर विपरीत दिशामा रहेको पसलमा खानेकुरा किन्न जाने क्रममा बसको पछाडि भागमा ठोकिदा उनी घाइते भएका थिए । घाईते उनको उपचारका क्रममा देवदह मेडिकल कलेजमा बुधबार राति मृत्यु भएको जिल्ला प्रहरी कार्यालयका सूचना अधिकारी इन्स्पेक्टर नारायण थापाले जानकारी दिनुभयो ।
