नवलपरासीको अग्रणी शैक्षिक संस्थाको परिचय बोकेको सुनवलस्थित महाकवि देवकोटा क्याम्पसमा बीबीएस प्रथम वर्षका नव–आगन्तुक विद्यार्थीहरूलाई सोमबार एक कार्यक्रमक बिच स्वागत गरिएको छ।
क्याम्पस अध्यक्ष कृष्णप्रसाद लामिछाने प्रमुख अतिथि रहनु भएको कार्यक्रममा क्याम्पस सञ्चालक समितिका सदस्य–सचिव नारायणप्रसाद ढकाल, शिक्षक सुलोचना अर्याल, सहायक क्याम्पस प्रमुख प्रकाश जि सी, मानविकी सङ्कायका प्रमुख बाबिन शर्मा सापकोटा, ब्याबस्थापन संकाय प्रमुख भीमलाल ढकाल, BBA र MBS का संयोजक विकास राना र BICTE कार्यक्रमका संयोजक अविनाश क्षेत्री लगायतको गरिमामयउपस्थिति रहेको थियो।
स्वागत समारोहमा विद्यार्थीहरूले नृत्य, गीत तथा कविता वाचन प्रस्तुत गरेका थिए।
बीबीएस द्वितीय वर्षका विद्यार्थीहरूले क्याम्पसको शैक्षिक प्रणाली, परीक्षा पद्धति तथा विद्यार्थी जीवनका अनुभवहरू प्रथम वर्षका विद्यार्थीहरूसँग साटासाट गरेका थिए।
कार्यक्रमको समापन गर्दै बीबीएस द्वितीय वर्षकी छात्रा अध्यक्ष अर्यालले नयाँ विद्यार्थीहरूलाई आवश्यक पर्ने जुनसुकै सहयोग र मार्गदर्शनका लागि आफूहरू सधैं तत्पर रहने प्रतिबद्धता व्यक्त गर्नुभयो।
बीबीएस द्वितीय वर्षकी विद्यार्थी सविना भण्डारीको स्वागत मन्तव्य रहेको उक्त कार्यक्रममा दुर्गा न्यौपाने, मनीषा ज्ञवाली र महेन्द्र केसीले संयुक्त रूपमा कार्यक्रमको सहजीकरण गरेका थिए ।