न्यूज फायर,सुनवल । पश्चिम नवलपरासीको सुनवल नगरपालिकाले नवगठित सुनवल प्रेश क्लवलाई बधाई तथा सुभकामना व्यक्त गरेको छ । नगरपालिकाको सभाहलमा आज एक कार्यक्रमका विच नवगठित कार्य समितिलाई सुनवल नगरप प्रमुख विमला अर्याल र उपप्रमुख सुर्य प्रसाद दुवेले बधाई तथा सफल कार्यकालको शुभकामना व्यक्त गर्नुभएको हो ।
सो अवसरमा नगर प्रमुख अर्यालले समाजको विकास निर्माण तथा योजना एवं समाज रूपान्तरणमा क्रियाशिल रहन पत्रकारहरुलाई आग्रह गर्नुभयो । विकृतिहरु हटाउदै कुनै लाभ वा पुर्वाग्राहीमा नपरी स्वच्क्ष तरिकाले पत्रकारीता गर्नुपर्ने बताउनुभयो । सुनवलका विविध गतिविधिहरुको येथार्थपरक र सत्यतामा रहेर पत्रकारिता गर्नु पर्नेमा नगर प्रमुख अर्यालको जोड थियो ।
नगर उपप्रमुख दुबेले समाज परिवर्तनको संवाहक पत्रकारीता रहेकाले निष्पक्ष ढंगबाट पत्रकारिता गर्नुपर्ने र मूल मर्मलाई बुझेर आफ्नो कर्मलाई अगाडि बढाउनु पर्ने बताउनुभयो ।
सुनवल प्रेस क्लवका अध्यक्ष रमेश भुषालले समाजका सत्य तथ्य विषयबस्तुलाई बुलन्द गर्न संगठन आवश्यक भएकाले पे्रस क्लव गठन भएको बताउनुभयो । आगामी दिनमा सुनवलका विकास गतिविधि तथा कार्यक्रमलाई पत्रकारीता मार्फत उजागर गर्न आफुहरु प्रतिवद्ध रहेको पनि बताउनुभयो ।
सो अवसरमा सुनवल वडा नं ४ का वडाध्यक्ष वालकृष्ण पंगेनी , प्रशासकिय अधिकृत भक्तिराम मरासिनी, नवगठित कार्यसमितिका पदाधिकारी,लगायत विभिन्न संघसंस्थाका पदाधिकारीको सहभागिता रहेको थियो ।
