सुनवल ।पश्चिम नवलपरासीको महाकवि देवकोटा क्याम्पस सुनवलमा पाठ योजना निर्माण सम्बन्धी एक दिने कार्यशाला सम्पन्न भएको छ । क्याम्पसले शिक्षणलाई प्रभावकारी बनाउने उदेश्यले क्याम्पसमा प्रध्यापनरत शिक्षकहरुलाई पाठ योजना निर्माण सम्बन्धी कार्यशाला सञ्चालन गरेको हो । क्याम्पस प्रमुख नारायण प्रसाद ढकालको अध्यक्षतामा संचालन गरिएको सो कार्यशालामा लामो समयदेखि अभ्यास शिक्षणको बाह्य परीक्षकको रुपमा काम गरि सक्नुभएका शिक्षक हरिदत्त शर्माले प्रशिक्षण दिनुभएको थियो ।
कार्यशालामा प्रशिक्षक शर्माले शिक्षणलाई प्रभावकारी बनाउन पाठयोजनाको महत्वपूणर् भूमिका रहेको उल्लेख गर्दै पाठयोजना निर्माणमा विशिष्ट व्यवहारिक उद्धेश्य, शिक्षण सामग्री, शिक्षण सिकाइ क्रियाकलाप, मूल्याङ्कन, र गृहकार्य जस्ता अङ्गहरु आवश्यक पर्ने तर्फ जोड दिँदै पाठ योजनामा विशिष्ट व्यवहारिक उद्धेश्यको निकै महत्व रहेको विचार व्यक्त गर्नु भयो । साथै प्रशिक्षक शर्माले उद्धेश्य निर्माण गर्दा ध्यान दिनु पर्ने कुराहरु बताउँदै उद्धेश्य अनुसार नै शैक्षिक समाग्री, क्रियाकलाप, मूल्याङ्कन र गृहकार्य निर्देशित हुने विचार व्यक्त गर्नु भयो ।
कार्यशाला समापनका क्रममा कार्याक्रमका अध्यक्ष ढकालले शिक्षण क्रियाकलापमा पाठयोजना नै राम वाण भएको विचार व्यक्त गर्नु भयो । क्याम्पसका सहायक क्याम्पस प्रमुख, विभागीय प्रमुखहरु साथै क्याम्पस अन्तर्गतका शिक्षाशास्त्र संकाय र व्यवस्थापन संकायमा अध्यापन गर्ने शिक्षकहरु गरी २० जनाको सहभागिता रहेको कार्यक्रमको सहजिकरण शिक्षक वविन शर्माले गर्नुभएकोथियो ।
