परासी । पश्चिम नवलपरासीमा मापदण्ड बिपरीत संचालीत दुई औषधी पसलमा शिल गरेको छ । संयुक्त जिल्ला बजार अनुगमन समितीले अनुगमनको क्रममा मापदण्ड बिपरीत संचालन रहेको पाईएका रामग्राम नगरपालिकाका प्रबेश उपचार केन्द्र र सन मेडिको औषधी पसल गरी दुईवटा औषधी पसललाई शिल गरिएको संयुक्त जिल्ला बजार अनुगमन समितीका संयोजक एव सहायक प्रमुख जिल्ला अधिकारी प्रकाश देवकोटाले जानकारी दिनुभयो ।
अनुगमनको क्रममा जिल्लाको रामग्राम वडा नं. १८ स्थित बन्जरियामा अबैध रुपमा संचालित प्रबेश उपचार केन्द्र कुनै पनि निकायको ईजाजतपत्र नलिई संचालन गरेको पाईएपछि उक्त औषधी पसल शिल गरिएको घरेलु तथा साना उद्योग कार्यालयका उद्योग अधिकृत गंगाधार पाण्डेयले बताउनुभयो ।
प्रबेश उपचार केन्द्रलाई औषधी बिभाग, घरेलु तथा साना उद्योग कार्यालय र रामग्राम नगरपालिकामा दर्ता गरी मात्र संचालन गर्न तथा स्वास्थ्य चेकजाँचका लागि स्वास्थ्य क्लिनिक नियमानुसार दर्ता गरी संचालन गर्न निर्देशन पनि दिईएको उद्योग अधिकृत पाण्डेयले जानकारी दिनुभयो ।
अनुगमनको क्रममा परासी बुद्धचोकमा रहेको सन मेडिको औषधी पसलले आवश्यक कागजपत्र उपलब्ध गराउन नसकेपछि अनुगमन समितीले शिल गरेको हो । उक्त फामेर्सीलाई तीन दिनभित्र आवश्यक कागजपत्र लिई आउन निर्देशन दिइएको र औषधी पसल संचालकले आवश्यक कागजपत्र लिई आए शिल खोलिने बताउनुभयो ।
अनुगमनका क्रममा सफल स्वास्थ्य क्लिनीक एव सफल फार्मेसी पसलमा सम्पूणर् कागजपत्र रहेको तर स्वास्थ्य निर्देशनालयको प्रमाणपत्र नविकारण म्याद नाघेकोले तुरुन्त नविकरण गर्न र पसलबाट निस्केको फोहोरमैला व्यवस्थापन गर्न निर्देशन दिईएको रामग्राम नगरपालिकाकी अनुगमन संमिती संयोजक एव उपप्रमुख सम्झाना चौधरीले बताउनुभयो ।
अनुगमन क्रममा रामग्राम वडान १८मा रहेको सुदा टे्रडर्स एण्ड सप्लायर्सबाट अबैध रुपमा ल्याईएको र बिलबिजक नरहेको २ सय ५० केजी चिनी नियन्त्रणमा लिईएको अनुगमन समितीका सदस्य एव जिल्ला प्रहरी कार्यालयका डिएसपी भोजराज पाण्डेयले बताउनुभयो । उक्त चिनीको बजार मूल्य २० हजार रहेको छ ।
