सुनवल । २०७९ सालको कक्षा १२ मा अव्वल नतिजा ल्याउन सफल आफ्ना विद्यार्थीहरुलाई साकुरा मेमोरियल इंलिस सेकेण्डरी स्कुल सुनवलले सम्मान गरेको छ । विहिवार एक कार्यक्रमका विच पश्चिम नवलपरासीमै अव्वल नतिजा ल्याउन सफल प्रतिभाशालि विद्यार्थीहरुलाई सम्मान गरेको हो । सम्मान कार्यक्रमले प्रतिभाशालि विद्यार्थीहरु थप उत्साहित भएका छन् । विद्यालयको सम्मानले भविष्यमा थप राम्रो गर्ने प्रभाव तथा हौसला मिलेको प्रतिक्रिया दिएका छन् ।
नतिजा अनुसार साकुराकी म्यानेजमेन्ट संकायकी छात्रा झरना राना ३ दशमलव ७७ जिपिए ल्याई जिल्लामै प्रथम भएकी छन् । यस्तै यसै विद्यालयबाटै साईन्स तर्फ ३ दशमलव ६६ जिपिए ल्याई अनिस भर जिल्ला प्रथम भएको विद्यालयका प्रिन्सिपल सुमित पाठकले बताउनुभयो । उहाले आगामी दिनमा यो उत्कृष्ठतालाई जोगाउन चुनौति भएको पनि बताउनुभयोे ।
विद्यालयबाट कुल १३८ जनाले कक्षा १२ को परिक्षा दिएका थिए । जसमा मंगलवार प्रकाशित नतिजा अनुसार तिन जनाले ए प्लस, १३ जनाले ए, ३४ वि प्लस, २७ जनाले वि, ११ जनाले सि प्लस र एक जना डि गे्रड ल्याई उतिणर् हुन सफल भएको प्रिन्सिपल पाठकले जानकारी दिनुभयो ।
विद्यार्थी झरना राना र अनिश भरले आफुले मेहनत गरेमा र परिवार र विद्यालयको साथ रहेमा उत्कृष्ठ नतिजा ल्याउन सकिने बताए ।
